ଖୋର୍ଦ୍ଧା: ଖୋର୍ଦ୍ଧା ଜିଲ୍ଲାରେ ଆଗାମୀ ସହରାଞ୍ଚଳ ନିର୍ବାଚନ ପାଇଁ ବିଜେପି ପକ୍ଷରୁ ପ୍ରସ୍ତୁତି ଆରମ୍ଭ ହୋଇଯାଇଛି। ସହରାଞ୍ଚଳ ନିର୍ବାଚନ ପୂର୍ବରୁ ନିଜର ସ୍ଥିତିକୁ ମଜବୁତ କରିବା ପାଇଁ ବିଜେପିର ଖୋର୍ଦ୍ଧା ଜିଲ୍ଲା ନେତୃତ୍ଵ ଉଦ୍ୟମ ଆରମ୍ଭ କରିଦେଇଛନ୍ତି। ସେଥିପାଇଁ ବିଜେପି ଜିଲ୍ଲା ସଭାପତି ରଶ୍ମି ରଞ୍ଜନ ମହାପାତ୍ର ୨ ଟି ପୌର ପରିଷଦ ଏବଂ ୨ ଟି ବିଜ୍ଞାପିତ ଅଞ୍ଚଳ ପାଇଁ ୪ ଜଣଙ୍କୁ ସଂଯୋଜକ ଭାବେ ନିଯୁକ୍ତି ଦେଇଥିବା ବେଳେ ଜିଲ୍ଲା ସଂଯୋଜକ ଭାବେ ବିଦ୍ୟୁତ କୁମାର କାଣ୍ଡିଙ୍କୁ ନିଯୁକ୍ତି ଦେଇଛନ୍ତି। ବର୍ତ୍ତମାନ ଶ୍ରୀ କାଣ୍ଡି ଜିଲ୍ଲାର ସମ୍ପାଦକ ଭାବେ କାର୍ଯ୍ୟ କରୁଛନ୍ତି। ଖୋର୍ଦ୍ଧା ପୌରପରିଷଦ, ଜଟଣୀ ପୌରପରିଷଦ, ବାଲୁଗାଁ ବିଜ୍ଞାପିତ ଅଞ୍ଚଳ ପରିଷଦ ଏବଂ ବାଣପୁର ବିଜ୍ଞାପିତ ଅଞ୍ଚଳ ପରିଷଦ ପାଇଁ ୪ ଜଣଙ୍କୁ ସଂଯୋଜକ ଭାବେ ଦାୟିତ୍ଵ ଦିଆଯାଇଛି।
ଏହି ୪ଟି ଅଞ୍ଚଳର ସଂଯୋଜକଙ୍କ ନାମ ଖୁବ ଶୀଘ୍ର ଜିଲ୍ଲା ସଭାପତି ରଶ୍ମୀରଞ୍ଜନ ମହାପାତ୍ର ଘୋଷଣା କରିବେ ବୋଲି ଜଣାପାଡିଛି। ଆଜି ଚିଠି ନମ୍ବର ଏଲ.ଡି ୧୧୦/୨୧ ମାଧ୍ୟମରେ ରାଜ୍ୟ ସାଧାରଣ ସମ୍ପାଦକ (ସଂଗଠନ) ମାନସ ରଞ୍ଜନ ମହାନ୍ତିଙ୍କୁ ଏନେଇ ଜିଲ୍ଲା ସଭାପତି ଶ୍ରୀ ମହାପାତ୍ର ଅବଗତ କରାଇଥିଲେ।