ଭୁବନେଶ୍ୱର, କରୋନାର ସଙ୍କଟମୟ ସମୟରେ ଦେବଦୂତ ଭଳି କାର୍ଯ୍ୟ କରିଥିବା ବରିଷ୍ଠ ଡ଼ାକ୍ତର କର୍ଣ୍ଣେଲ ବିରଞ୍ଚି ନାରାୟଣ ପାଣିଙ୍କୁ ଗତକାଲି ରକ୍ଷାବନ୍ଧନର ପବିତ୍ର ଅବସରରେ ରୋଟାରୀ କ୍ଲବ ଭୁବନେଶ୍ୱର ସେଣ୍ଟ୍ରାଲର ସଭାପତି ଡଃ ଆର୍ଯ୍ୟକୁମାର ଜ୍ଞାନେନ୍ଦ୍ର ଉତ୍ତରୀୟ ଓ ବ୍ୟାଚ୍ ପ୍ରଦାନ କରି ସମ୍ବର୍ଦ୍ଧିତ କରିଥିଲେ । ସମ୍ବର୍ଦ୍ଧନାର ଉତ୍ତରରେ ସେ ଭାବବିହ୍ୱଳ ହୋଇ କହିଥିଲେ ଯେ, ଭଗବାନ ଆମକୁ ଯେଉଁ ବିଦ୍ୟାରେ ପ୍ରବୀଣ କରିଛନ୍ତି, ତାହାକୁ ଆମେ କେବଳ ପ୍ରୟୋଗ କରିଛୁ । ସମସ୍ତ ଡ଼ାକ୍ତରଙ୍କର ନିଷ୍ଠାପର ଉଦ୍ୟମକୁ ସେ ପ୍ରଶଂସା
କରିଥିଲେ ।
ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଶ୍ରୀମତୀ ଆରତୀ ଜ୍ଞାନେନ୍ଦ୍ର, ଶ୍ରୀମତୀ ବିୟୋତପ୍ରଜ୍ଞା ତ୍ରିପାଠୀ, ଶ୍ରୀମତୀ ବିଜ୍ଞାନ ପ୍ରଜ୍ଞା ତ୍ରିପାଠୀ, ଶ୍ରୀମତୀ ନନ୍ଦିନୀ ଜେନା, ବିଜୟ କୁମାର ଜେନା ଓ ଶ୍ରୀମତୀ ଅତସୀ ତ୍ରିପାଠୀ ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ । ଏହି କାର୍ଯ୍ୟକ୍ରମଟି ୨୪, କୋକିଳା କଟେଜ, ସୁନ୍ଦରପଦାଠାରେ ଅନୁଷ୍ଠିତ ହୋଇଥିଲା । ଶେଷରେ ଫ୍ୟାଶନ ଡ଼ିଜାଇନର ସବ୍ୟସାଚୀ ଶତପଥୀ ଧନ୍ୟବାଦ ଅର୍ପଣ କରିଥିଲେ ।