ସୀତାରାମ ଅଗ୍ରୱାଲ
ବାଣପୁର: ଓଡ଼ିଆ ଭାଷା ଓ ନାଟ୍ୟଜଗତକୁ ସମୃଦ୍ଧ କରିବାପାଇଁ ଆଜି ଖୋର୍ଦ୍ଧା ଜିଲ୍ଲା ବାଣପୁରର ଏକ ମହିଳା ସୌଖିନ ନାଟ୍ୟସଂସ୍ଥା କଳିଙ୍ଗକନ୍ୟା କଳାପରିଷଦ ଉଦଘାଟିତ ହୋଇଯାଇଛି। ପଲଟନପଡିଆସ୍ଥିତ “ଛାୟାମଣ୍ଡପ “ପରିସରରେ ଅନୁଷ୍ଠିତ ଏହି ଉଦଘାଟନୀ ଉତ୍ସବରେ ପୌରୋହିତ କରିଥିଲେ ପ୍ରାକ୍ତନ ପ୍ରଧାନଶିକ୍ଷକ ତଥା ଶିକ୍ଷାବିତ ଗାନ୍ଧୀ ବାରିକ। ନାଟ୍ୟ ନିର୍ଦ୍ଦେଶକ ପ୍ରମୋଦ କୁମାର ସ୍ୱାଇଁଙ୍କ ଆବାହନକ୍ରମେ ଅନୁଷ୍ଠିତ ଏହି ଉତ୍ସବରେ ଅନ୍ୟମାନଙ୍କ ମଧ୍ୟରେ ନାଟ୍ୟକାର ଭିକାରୀ ଚରଣ ପ୍ରଧାନ, ସଙ୍ଗୀତ ନିର୍ଦ୍ଦେଶକ ସରୋଜ ସାସମଲ ପ୍ରମୁଖ ଯୋଗଦେଇଥିଲେ।
ଓଡ଼ିଆ ନାଟ୍ୟଜଗତରେ ବୈପ୍ଲବିକ ପରିବର୍ତ୍ତନ ଆଣିବା ପାଇଁ ଅନୁଷ୍ଠାନର ସମସ୍ତ ମହିଳା ସଦସ୍ୟାଗଣ ପ୍ରତିଶୃତିବଦ୍ଧ ହେବାପରେ ନୂତନ କର୍ମକର୍ତ୍ତା ନିର୍ବାଚନ ହୋଇଥିଲା। ସଭାନେତ୍ରୀ ଭାବେ ମିତାଞ୍ଜଳୀ ସାସମଲ, ଉପ-ସଭାନେତ୍ରୀ ଭାବେ ରଶ୍ମିତା ଭୋଳ, ସମ୍ପାଦିକା ଭାବେ ସନ୍ତୋଷୀ ମାଳି, ସହ ସମ୍ପାଦିକା ଭାବେ ଲକ୍ଷ୍ମୀପ୍ରିୟା ପ୍ରଧାନ, କୋଷାଧ୍ୟକ୍ଷ ଭାବେ ଅନିତା ବିଶୋଇ ଏବଂ କାର୍ଯ୍ୟନିର୍ବାହୀ କମିଟିସଭ୍ୟା ଭାବେ ପୁଷ୍ପାଞ୍ଜଳୀ ଜେନା ଓ ଲିପି ମହାରଣା ସର୍ବସମ୍ମତିକ୍ରମେ ମନୋନୀତ ହୋଇଛନ୍ତି।
ଏହି ଅବସରସରେ ପ୍ରାକ୍ତନ ଅଭିନେତ୍ରୀ ଦମ୍ପତ୍ତିମାନଙ୍କୁ ସମ୍ବର୍ଦ୍ଧିତ କରାଯାଇଥିଲା ଏବଂ ସର୍ବଶେଷରେ ଅଭିନେତ୍ରୀ ନମିତା ପାତ୍ର ଧନ୍ୟବାଦ ପ୍ରଦାନ କରିଥିଲେ।
