ସୀତାରାମ ଅଗ୍ରୱାଲ
ବାଣପୁର: ଗତକାଲି ବାଣପୁରରେ ବିଭିନ୍ନ ସଂଗଠନ ପକ୍ଷରୁ ରାଷ୍ଟ୍ରୀୟ ଯୁବ ଦିବସ ପାଳିତ ହୋଇଯାଇଛି। ସ୍ଵାମୀ ବିବେକାନନ୍ଦ ସେବା ସଂଘ ଏବଂ ବିବେକାନନ୍ଦ କେନ୍ଦ୍ର କନ୍ୟାକୁମାରୀ ବାଣପୁର ଓ ବାଲୁଗାଁ ଶାଖା ଦ୍ୱାରା ‘ରାଷ୍ଟ୍ରୀୟ ଯୁବ ଦିବସ’ ପାଳିତ ହୋଇଯାଇଛି।
ବାଣପୁରସ୍ଥିତ କାଣ୍ଡି କମ୍ପ୍ଲେକ୍ସ କାର୍ଯ୍ୟାଳୟଠାରେ ସ୍ଵାମୀ ବିବେକାନନ୍ଦ ସେବା ସଂଘ ପକ୍ଷରୁ ଉକ୍ତ ଦିବସ ପାଳନ କରାଯାଇଥିବା ବେଳେ ବିବେକାନନ୍ଦ କେନ୍ଦ୍ର ପକ୍ଷରୁ ଅଚ୍ୟୁତରାଜପୁର କାର୍ଯ୍ୟାଳୟଠାରେ ଏହାକୁ ପାଳନ କରାଯାଇଛି।
ଉକ୍ତ ଉତ୍ସବକୁ ସ୍ଵାମୀ ବିବେକାନନ୍ଦ ସେବା ସଂଘର ସହ ସମ୍ପାଦକ ଶ୍ରୀକାନ୍ତ ପଲାଇଙ୍କ ନେତୃତ୍ଵରେ କରୋନା ଗାଇଡଲାଇନକୁ ମାନି କମ ସଂଖ୍ୟକ କାର୍ଯ୍ଯକର୍ତ୍ତାଙ୍କୁ ନେଇ ପାଳନ କରାଯାଇଥିଲା। ଏଥିରେ ନରେଶ ଜେନା, ଯମୁନା ନାୟକ, କଳୁଚରଣ ନାୟକ,ଟି ମୋହନ ଦାସ, ସନ୍ତୋଷ ସାହୁ ଯୋଗଦେଇଥିଲେ ଏବଂ ଆଗାମୀ ଦିନରେ ସମାଜ ହିତରେ କମକରିବାପାଇଁ ଶପଥ ନେଇଥିଲେ।
ସେହିଭଳି ବିବେକାନନ୍ଦ କେନ୍ଦ୍ର କନ୍ୟାକୁମାରୀ ବାଣପୁର ଓ ବାଲୁଗାଁ ଶାଖାର ଯୁବ ପ୍ରମୁଖ ଜିତୁ ସାମନ୍ତରାୟ ଉକ୍ତ କାର୍ଯ୍ଯକ୍ରମକୁ ପରିଚାଳନା କରିଥିବା ବେଳେ ନଗର ସମ୍ପର୍କ ପ୍ରମୁଖ ବୈରାଗୀ ଚରଣ ବଳ ସହଯୋଗ କରିଥିଲେ। ଉକ୍ତ କାର୍ଯ୍ୟକ୍ରମରେ ବାଣପୁର ଓ ବାଲୁଗାଁର ଯୁବକମାନେ ଉପସ୍ଥିତ ରହି ପ୍ରତି ସପ୍ତାହରେ ସମାଜ ସେବା ପାଇଁ ଏକ ଘଣ୍ଟା ସମୟ ଦେବେ ବୋଲି ଶପଥ ନେଇଥିଲେ।
କାର୍ଯ୍ୟକ୍ରମକୁ ସଫଳ କରିବା ଦିଗରେ ନଗର କାର୍ଯ୍ୟକର୍ତ୍ତା ପୁଷ୍ପାଞ୍ଜଳି, ଲକ୍ଷ୍ମୀ, ବର୍ଷା, ବିକାଶ, ସିଦ୍ଧାନ୍ତ ଓ ତୋଫାନ ଆଦି ସହଯୋଗ କରିଥିଲେ।