ସୀତାରାମ ଅଗ୍ରୱାଲ
ଟାଙ୍ଗୀ: ମୃତ୍ୟୁର ଦ୍ୱାର ଦେଶରୁ ଅଳ୍ପକେ ବର୍ତ୍ତିଲା ଜୀବନ। ବଂଚିଗଲେ ଦୋକାନୀ। ଖୋର୍ଦ୍ଧା ଜିଲ୍ଲା ୧୬ ନମ୍ବର ଜାତୀୟ ରାଜପଥ ଟାଙ୍ଗୀ ବାଇପାସ୍ ରେ ଏଭଳି ଘଟଣା ଘଟିଛି। ଗୋଟିଏ ମାଲ ବୋଝେଇ ଦ୍ରୁତଗାମୀ କଂଣ୍ଟେନର କୋଲକତାରୁ ବ୍ରହ୍ମପୁର ଯାଉଥିବା ବେଳେ ଟାଙ୍ଗୀ ବାଇପାସ୍ ନିକଟରେ ଭାରସାମ୍ୟ ହରାଇ ରାସ୍ତା ତଳକୁ ଖସି ଏକ ଚା’ ଦୋକାନ ଭିତରକୁ ପସି ଯାଇଥିଲା। ତାପୂର୍ବରୁ ଚା’ ଦୋକାନୀ ଦୂରରୁ ଏସବୁ ଘଟଣା ଦେଖିପାରି ଦୋକାନ ଛାଡି ପଳାଇଯିବାରେ ସମର୍ଥ ହୋଇଥିଲେ। ଫଳରେ ତାଙ୍କର ଜୀବନ ବଂଚିଯାଇଛି। କିନ୍ତୁ ଦୋକାନୀଙ୍କର ବହୁ ଦୋକାନ ସାମଗ୍ରୀ ନଷ୍ଟ ହୋଇ ଯାଇଥିବା ଜଣା ପଡିଛି। ଅଳ୍ପକେ ବଂଚିଥିବା ଦୋକାନୀ ଜଣକ ହେଲେ ଟାଙ୍ଗୀର ଟୁଲୁ ମହାପାତ୍ର। ଖବର ପାଇ ଟାଙ୍ଗୀ ପୋଲିସ୍ ଘଟଣାସ୍ଥଳରେ ପହଂଚି କଂଣ୍ଟେନରକୁ ଜବତ କରି ତଦନ୍ତ ଆରମ୍ଭ କରିଛି।
