କନ୍ଦର୍ପ ବେହେରା
ରେଢ଼ାଖୋଲ: ନାକଟିଦେଉଳ ବ୍ଲକ୍ ରେ ଦିନକୁ ଦିନ ହାତୀ ଉପଦ୍ରବରେ ଲୋକମାନେ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି। ଗତ ୩ ଦିନ ହେଲା ନାକଟିଦେଉଳ ବ୍ଲକ୍ ପଣ୍ଡୁଆଖୋଳ ଗ୍ରାମରେ ହାତୀ ଉପଦ୍ରବରେ ବ୍ୟାପକ ଧାନ ଫସଲ ନଷ୍ଟ ହୋଇଥିବା ଅଭିଯୋଗ ହୋଇଛି।
ଗ୍ରାମର ବିଜୟ ପ୍ରଧାନ, ହ୍ରୁଷିକେଶ ପ୍ରଧାନ, ଚକ୍ରଧର ପ୍ରଧାନ, ରମାକାନ୍ତ ପ୍ରଧାନଙ୍କ ଚାଷ ଜମିରେ ହାତୀପଲ ପଶି ଧାନ ଫସଲ ମାଡ଼ି ଦଳି ଚକଟି ଦେଇଛନ୍ତି। ଧାନ ଫସଲ ଏ ପର୍ଯ୍ୟନ୍ତ ପାଚି ନ ଥିବା ବେଳେ ଏବେ ଠୁ ହାତୀମାନଙ୍କର ଦୌରାତ୍ମ ଯୋଗୁଁ ଗ୍ରାମର ଚାଷୀମାନେ ଚିନ୍ତିତ ହୋଇପଡ଼ିଛନ୍ତି। କ୍ଷତିଗ୍ରସ୍ତ ଚାଷୀଙ୍କୁ ଆବଶ୍ୟକୀୟ ସାହାଯ୍ୟ ବନ ବିଭାଗ ପ୍ରଦାନ କରିବାକୁ ଗ୍ରାମବାସୀ ଦାବୀ କରିଛନ୍ତି।
