ଭୁବନେଶ୍ୱର: ସ୍ୱାଧୀନତା ଦିବସରୁ ସାରା ରାଜ୍ୟରେ ଅହିଂସାର ବାର୍ତ୍ତା ନେଇ ପରିଭ୍ରମଣ କରୁଥିବା ‘ଅହିଂସା ରଥ’କୁ ଆସନ୍ତା ୩୦ ତାରିଖରେ ବାଲିପାଟଣାରେ ସ୍ୱାଗତ ସମ୍ବର୍ଦ୍ଧନା କରିବା ପାଇଁ ଏକ ପ୍ରସ୍ତୁତି ବୈଠକ ଆଜି ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ଆଦିକନ୍ଦ ବେହେରା , ତହସିଲଦାର ଶ୍ରୀ ମୃତ୍ୟଞ୍ଜୟ ତ୍ରିପାଠୀ, ଅତିରିକ୍ତ ବିଡିଓ , ସ୍ଥାନୀୟ ମେଡ଼ିକାଲ ଅଫିସର , ଶିଶୁ ବିକାଶ ପ୍ରକଳ୍ପ ଅଧିକାରୀ , ଅଗ୍ନିଶମ ସେବା ବିଭାଗ ଅଧିକାରୀ, ଗ୍ରାମ୍ୟ ପାନୀୟ ଜଳଯୋଗାଣ ବିଭାଗର କର୍ମଚାରୀ, ସ୍ଥାନୀୟ ଭାରପ୍ରାପ୍ତ ଥାନା ଅଧିକାରୀଙ୍କ ସମେତ ବାଲିପାଟଣା କଲେଜର ଅଧକ୍ଷ ପ୍ରମୁଖ ଉପସ୍ଥିତ ଥିଲେ।
ସଭା କାର୍ଯ୍ୟକୁ ସଂଗ୍ରାମ କେଶରୀ ଦାସ ପରିଚାଳନା କରିଥିଲେ। ଅହିଂସା ରଥକୁ ବାଲିପାଟଣାବଜାରରୁ ସ୍ୱାଗତ କରି ବ୍ଲକ ପର୍ଯ୍ୟନ୍ତ ଅଣାଯିବ। ସେଥିପାଇଁ ସ୍ଥାନୀୟ ଥାନାଧିକାରୀ ଶୃଙ୍ଖଳା ବଜାୟ ରଖିବା, ବିଦ୍ୟୁତ ବିଭାଗ ସଜାଗ ରହିବା, ଡାକ୍ତରୀ ଦଳ ଏବଂ ଅଗ୍ନିଶମ ବିଭାଗ ସଜାଗ ରହିବା ପାଇଁ ବୈଠକରେ ନିର୍ଦ୍ଦେଶ ଦିଆଯାଇଥିଲା।
