ବାପୁଜୀ ସରକାରୀ ଉଚ୍ଚ ବିଦ୍ୟାଳୟରେ ବିଦ୍ୟାଳୟ ସ୍ତରୀୟ ବିଜ୍ଞାନ, ଗଣିତ ଓ ପରିବେଶ ମେଳା

Published: Oct 17, 2022, 10:41 pm IST

କନ୍ଦର୍ପ ବେହେରା
ରେଢାଖୋଲ: ନାକଟିଦେଉଳ ବ୍ଲକ୍ ସରକାରୀ ଉଚ୍ଚ ବିଦ୍ୟାଳୟରେ ବିଦ୍ୟାଳୟ ସ୍ତରୀୟ ବିଜ୍ଞାନ ମେଳା ଅନୁଷ୍ଠିତ ହୋଇଯାଇଛି। ଏହି ମେଳାକୁ ବିଜେଡି ବ୍ଲକ୍ ସଭାପତି ମୂଳିଆ ରାଉଳ ଉଦ୍ଘାଟନ କରିଥିଲେ। ଏହି ମେଳାରେ ୬ଷ୍ଠରୁ ଦଶମ ଶ୍ରେଣୀ ଯାଏଁ ପଢୁଥିବା ବଛା ବଛା ଛାତ୍ରଛାତ୍ରୀମାନେ ସାମିଲ୍ ହୋଇଥିଲେ। ମେଳାରେ ମୋଟ ୬୧ ଟି ପ୍ରକଳ୍ପ ଆସିଥିଲା। ଅତିଥିମାନେ ପ୍ରୋଜେକଟ ଗୁଡିକ ବୁଲି ଦେଖିଥିଲେ। କାଦୋବାହାଳି ଉଚ୍ଚ ବିଦ୍ୟାଳୟର ବିଜ୍ଞାନ ଶିକ୍ଷକ ଝସକେତନ ଦାଶ, ଏବଂ ଗୋଗୁଆ ଉଚ୍ଚ ବିଦ୍ୟାଳୟର ବିଜ୍ଞାନ ଶିକ୍ଷକ ନିହାରୀକା ସାହୁ ଜଜ୍ ଭାବରେ ଯୋଗଦେଇଥିଲେ। ବିଜ୍ଞାନ ମେଳା ପରେ ପରେ ଏକ ସଭା ଅନୁଷ୍ଠିତ ହୋଇଥିଲା। ଶ୍ରେଷ୍ଠ କୁନି ବିଜ୍ଞାନୀମାନଙ୍କୁ ପୁରସ୍କୃତ କରାଯାଇଥିଲା।

ଏଥିରେ ନାକଟିଦେଉଳ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ଡାକ୍ତର ଜୌତିପ୍ରକାଶ ରଥ ମୁଖ୍ୟବକ୍ତା ଭାବରେ ଯୋଗଦେଇ ବିଜ୍ଞାନ ସଂପର୍କରେ କୁନି ବୈଜ୍ଞାନିକ ମାନଙ୍କୁ ଦିଗ୍ ଦର୍ଶନ ଦେଇଥିଲେ। ଅନ୍ୟମାନଙ୍କ ମଧ୍ୟରେ ଡଇଁଚା ସମିତି ସଭ୍ୟ ପ୍ରବୀଣ କୁମାର ପ୍ରଧାନ ମୁଖ୍ୟ ଅତିଥି, ବିଦ୍ୟାଳୟ ପରିଚାଳନା କମିଟିର ସଭାପତି ଜିତେନ୍ଦ୍ରିୟ ପ୍ରଧାନ, ଗଗନ ବିହାରୀ ଧଳ, ବିଶୁ ମହାରଣା ,ଶିକ୍ଷୟତ୍ରୀ ନିହାରୀକା ପ୍ରଧାନ ସମ୍ମାନୀତ ଅତିଥିଭାବରେ ଯୋଗ ଦେଇଥିଲେ।

ଶ୍ରେଷ୍ଠ ପ୍ରୋଜେକ୍ଟର ଛାତ୍ରଛାତ୍ରୀ ବରିଷ୍ଠ ବର୍ଗରେ ବିବେକ ପ୍ରଧାନ (୧୦ମ) ପ୍ରଥମ, ଭୋଳାନାଥ ପ୍ରଧାନ (୧୦ମ), ଦ୍ୱିତୀୟ , ଭୁପ୍ରିୟା ସାହୁ (୯ମ )ତୃତୀୟ ସ୍ଥାନ ଅଧିକାର କରିଥିବା ବେଳେ କନିଷ୍ଠ ବର୍ଗରେ ତନୁଜା ଧଳ (ଷଷ୍ଠ ଶ୍ରେଣୀ) ପ୍ରଥମ , ଲକ୍ଷ୍ମୀପ୍ରିୟା ସାହୁ (ଅଷ୍ଟମଶ୍ରେଣୀ)ଦ୍ୱିତୀୟ , ଟୁନି ପ୍ରଧାନ(ଅଷ୍ଟମ ଶ୍ରେଣୀ) ତୃତୀୟ ସ୍ଥାନ ଅଧିକାର କରି ଅତିଥି ମାନଙ୍କ ଠାରୁ ଟ୍ରଫି ଗ୍ରହଣ କରିଥିଲେ। ହଳଧର ସାହୁ ସଭା ପରିଚାଳନା ତଥା ଅତିଥି ପରିଚୟ ପ୍ରଦାନ କରିଥିବା ବେଳେ ମଧୁସୂଦନ ରାଉଳ ଧନ୍ୟବାଦ ଅର୍ପଣ କରିଥିଲେ।

Related posts