ବାଣପୁର: ‘ଏକତା ପରିଷଦ ଟ୍ରଷ୍ଟ’ ପକ୍ଷରୁ ଅନ୍ତରାଷ୍ଟ୍ରୀୟ ମହିଳା ହିଂସା ବିରୋଧୀ ଦିବସ ପାଳିତ

Published: Nov 25, 2022, 5:49 pm IST

ସୀତାରାମ ଅଗ୍ରୱାଲ

ବାଣପୁର: ଖୋର୍ଦ୍ଧା ଜିଲ୍ଲା ବାଣପୁରସ୍ଥିତ ସହିଦ କୃତିବାସ ଭବନ ପରିସରରେ ଆଜି ‘ଏକତା ପରିଷଦ ଟ୍ରଷ୍ଟ’ ପକ୍ଷରୁ ଅନ୍ତରାଷ୍ଟ୍ରୀୟ ମହିଳା ହିଂସା ବିରୋଧୀ ଦିବସ ପାଳିତ ହୋଇଯାଇଛି।  ଏହାସହ ମହିଳା ହିଂସା ବିରୁଦ୍ଧରେ ୧୬ ଦିନିଆ ସଚେତନତା ଅଭିଯାନ ଆରମ୍ଭ ହୋଇଛି। ଉକ୍ତ ଅଭିଯାନ ଆଗାମୀ ୧୦ ଡିସେମ୍ବର ୨୦୨୨ ପର୍ଯ୍ୟନ୍ତ ବାଣପୁର ବ୍ଲକର ବିଭିନ୍ନ ଗ୍ରାମରେ ଜାରି ରହିବ।

ଆଜି ଉକ୍ତ ମହିଳା ହିଂସା ବିରୋଧୀ ଦିବସରେ ବାଣପୁର ବ୍ଲକର ତିନି ଶହରୁ ଉର୍ଦ୍ଧ୍ଵ କିଶୋରୀ ବାଳିକା ଓ ମା’ ମାନେ ତଥା ଗୋଦାବରୀଶ ମହାବିଦ୍ୟାଳୟ, ଗ୍ରାମୀଣ ମହିଳା ମହାବିଦ୍ୟାଳୟ, ଅଙ୍ଗନବାଡ଼ି କର୍ମୀ, ଅନ୍ୟାନ୍ୟ ସାମାଜିକ ସଂଗଠନ, ସାହିତ୍ୟିକ, ସାମ୍ବାଦିକ ତଥା ଅନ୍ୟାନ୍ୟ ସାମାଜିକକର୍ମୀ ମାନେ ଯୋଗଦେଇଥିଲେ।

ବିଶିଷ୍ଟ ମାନବାଧିକାର ଆନ୍ଦୋଳନର ପ୍ରବକ୍ତା ଭାଲ ଚନ୍ଦ୍ର ଷଡଙ୍ଗୀ, ବିଶିଷ୍ଟ ଲେଖିକା ଓ ମହିଳା ଆନ୍ଦୋଳନର ପ୍ରବକ୍ତା ତଥା ବାଣପୁରର ପୂର୍ବତନ ମହିଳା ଓ ଶିଶୁ ସୁରକ୍ଷା ଅଧିକାରୀଣି ବିଦୁପ୍ରଭା ରଥ ଏବଂ ଦାମିଆ ବରବରା ସରପଞ୍ଚ ବୀଣାପାଣି ଷଣ୍ଢ ଆଦି ଯୋଗଦେଇଥିଲେ।

ମହିଳାମାନଙ୍କ ଉପରେ ହେଉଥିବା ଭେଦଭାବ ଓ ହିଂସା ବିରୁଦ୍ଧରେ ବାଣପୁର ବ୍ଲକର ବିଭିନ୍ନ ଗ୍ରାମରେ ଜାଗରଣ କରିବା ସହ ଏଭଳି ହିଂସାର ଶିକାର ହୋଇଥିବା ମା’ ଓ ଶିଶୁ ମାନଙ୍କୁ ସୁରକ୍ଷା ଦେବା ପାଇଁ ବାଣପୁରରେ ମହିଳା ମାନଙ୍କ ସଂଗଠନଗୁଡ଼ିକ ମଜବୁତ୍ କରିବା ଓ ସେମାନଙ୍କୁ ଆଇନ୍ କାନୁନ୍ ରେ ପ୍ରଶିକ୍ଷିତ କରିବା ପାଇଁ ସ୍ଥିର କରାଯାଇଛି। ଏଥିରେ ହିଂସା ବିରୁଦ୍ଧରେ ବାଣପୁର ବ୍ଲକର ମା’ ମନେ ଲଢ଼ିବା ସହ ବାଣପୁରକୁ ମହିଳା ହିଂସା ମୁକ୍ତ ଅଞ୍ଚଳ କରିବା ପାଇଁ ଶପଥ ନେଇଛନ୍ତି।

ବୈଠକକୁ ପରିଷଦର ମୁଖ୍ୟ ସନ୍ଧ୍ୟା ଦେବୀ ପରିଚାଳନା କରିଥିବା ବେଳେ ସୌଦାମିନୀ ଦେଈ, ଗୀତମୟୀ, ଟୁନିଦାସ, କବିତା ପ୍ରଧାନ, ବିରେନ୍ଦ୍ର ବେହେରା, ତାରା ପ୍ରସାଦ ବାରିକ୍ ଆଦି ସଂଗଠନର ସାଥୀମାନେ ପରିଚାଳନାରେ ସହଯୋଗ କରିଥିଲେ।

Related posts