ସୀତାରାମ ଅଗ୍ରୱାଲ
ବାଣପୁର: ରାଷ୍ଟ୍ରୀୟ ସ୍ୱୟଂସେବକ ସଂଘ (ଆରଏସଏସ) ଖୋର୍ଦ୍ଧା ଜିଲ୍ଲା ଅନ୍ତର୍ଗତ ବାଣପୁର, ଚିଲିକା, ରଣପୁର ଓ ଟାଙ୍ଗୀ ଖଣ୍ଡର ଦୁଇ ଦିନ ବ୍ୟାପି ଘୋଷ ଅଭ୍ୟାସବର୍ଗ ଆଜି ଉଦଯାପିତ ହୋଇଯାଇଛି। ଉଦଯାପନୀ ଦିବସରେ ଶତାଧିକ ସ୍ୱୟଂସେବକଙ୍କ ଦ୍ୱାରା ଏକ ପଥ ସଂଚଳନ ସ୍ଥାନୀୟ ଶିଶୁମନ୍ଦିର ଠାରୁ ବାହାରି ପଲଟନ ପଡିଆଠାରେ ସମାପ୍ତ ହୋଇଥିଲା। ଏହାପରେ ପଲଟନ ପଡିଆର ଛାୟା ମଣ୍ଡପରେ ଏକ ଉଦବୋଧନୀ ସଭା ଅନୁଷ୍ଠିତ ହୋଇଥିଲା।
ବାଣପୁର ଖଣ୍ଡ ସଂଘଚାଳକ ସତ୍ୟନାରାୟଣ ଷଡ଼ଙ୍ଗୀଙ୍କ ପୌରାହିତ୍ୟରେ ଅନୁଷ୍ଠିତ ଉକ୍ତ ସଭାରେ ମୁଖ୍ୟ ଅତିଥି ଭାବେ ଓଡିଶା ମହାଲେଖାଗାର ଅବସରପ୍ରାପ୍ତ ବରିଷ୍ଠ ନିରୀକ୍ଷକ ପ୍ରଶାନ୍ତ ମହାପାତ୍ର ଯୋଗଦେଇଥିବା ବେଳେ ମୁଖ୍ୟ ବକ୍ତା ଭାବେ ପୁରୀ ବିଭାଗ ପର୍ଯ୍ୟାବରଣ ସଂଯୋଜକ ନିରଞ୍ଜନ ସାହୁ ଯୋଗଦେଇଥିଲେ। ପଥ ସଂଚଳନ ସମୟରେ ବାଣପୁର ପୋଲିସ ଏବଂ ମେଡିକାଲ ପକ୍ଷରୁ ସମ୍ପୂର୍ଣ୍ଣ ସହଯୋଗ ମିଳିଥିଲା।
