ଛତ୍ରପୁର: ରାଜ୍ୟ ବିଦ୍ୟୁତ ବିଭାଗ ତଥା ବର୍ତ୍ତମାନର ଟି ପି ଏସ୍ ଓ ଡି ଏଲ୍ ର ନିର୍ବାହୀ ଯନ୍ତ୍ରୀ ପ୍ରମୋଦ କୁମାର ଚୌଧୁରୀଙ୍କୁ ଛତ୍ରପୁର ବରିଷ୍ଠ ନାଗରିକ ଓ ବୁଦ୍ଧିଜୀବି ମାନଙ୍କ ତରଫରୁ ଅବସରକାଳୀନ ସମ୍ବର୍ଦ୍ଧନା ଜ୍ଞାପନ କରାଯାଇଛି।
ଏଠାରେ ଉଲ୍ଲେଖ ଯୋଗ୍ୟ ଯେ, ଯନ୍ତ୍ରୀ ଶ୍ରୀଯୁକ୍ତ ଚୌଧୁରୀ ମହାବାତ୍ୟା ସମୟରେ ଅଞ୍ଚଳର ଜନସାଧାରଣଙ୍କ ପାଇଁ ବହୁ ଜନହିତକର କାର୍ଯ୍ୟ କରି ପ୍ରଶଂସାର ପାତ୍ର ହୋଇଥିଲେ। ବର୍ତ୍ତମାନ ସେବାରୁ ଅବସର ନେବା ପରେ ଛତ୍ରପୁର ବରିଷ୍ଠ ସମାଜସେବୀ କାଳି ଚରଣ ତ୍ରିପାଠୀଙ୍କ ପୌରହିତ୍ୟରେ ଛତ୍ରପୁର ତାମ୍ପରା ଠାରେ ଏକ ସମ୍ବର୍ଦ୍ଧନା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।
ଉକ୍ତ କାର୍ଯ୍ୟକ୍ରମରେ ଶ୍ରୀଯୁକ୍ତ ଚୌଧୁରୀଙ୍କୁ କାଳିଚରଣ ପୁଷ୍ପଗୁଚ୍ଛ ଓ ଉପଢ଼ୌକନ ଦେଇ ସମ୍ବର୍ଦ୍ଧିତ କରିଥିଲେ ଓ ପୁର୍ବତନ ବିଧାୟକ ଅଶୋକ ଚୌଧୁରୀ, ପୁର୍ଣ୍ଣ ଚନ୍ଦ୍ର ବେହେରା, ସରପଞ୍ଚ ବଚନ ଦାସ ବରିଷ୍ଠ ନାଗରିକ ସଦାଶିବ ସାହୁ, ଶିକ୍ଷକ ନେତା କେ ସୁନୀଲ ରାଓ ଓ କୃଷ୍ଣଚନ୍ଦ୍ର ପଲେଇ ପ୍ରମୁଖ ଉପସ୍ଥିତ ଥିଲେ।
