ସୀତାରାମ ଅଗ୍ରୱାଲ
ବାଣପୁର: ବାଣପୁର ଥାନା ଅନ୍ତର୍ଗତ ନିଳାଦ୍ରୀପ୍ରସାଦ ମଧୁ ଛକ ନିକଟରେ ଆଜି ସନ୍ଧ୍ୟାରେ ଦୁଇ ମୋଟର ସାଇକେଲ ମୁହାଁମୁହିଁ ଧକ୍କା ହୋଇଛି l ଯେଉଁଥିରେ ଚାରି ଜଣ ଆହତ ହୋଇଥିବା ବେଳେ ଦୁଇଜଣ ଗୁରୁତର ଆହତ ହୋଇଛନ୍ତି l
ସୂଚନା ମୁତାବକ ବଡସିରେଇପୁର ଗ୍ରାମର ପ୍ରମୋଦ ବିଶ୍ୱାଳ ତାଙ୍କର ଜଣେ ସହଯୋଗୀଙ୍କ ସହ ଏକ ପଲସର ବାଇକରେ କୌଣସି କାର୍ଯ୍ୟରେ ନୀଳାଦ୍ରିପ୍ରସାଦକୁ ଯାଉଥିବା ବେଳେ ଅନୁରୂପ ଭାବେ ନୀଳାଦ୍ରିପ୍ରସାଦ ଆଡୁ ଅନ୍ୟ ଏକ ବୁଲେଟ ମୋଟରସାଇକେଲରେ ବେତୁଲି ଗ୍ରାମର ବାପୁନି ନାୟକ ତାଙ୍କ ସହଯୋଗୀଙ୍କ ସହ ଆସୁଥିବା ବେଳେ ମଧୁ ଛକରେ ଧରି ଦୁଇ ମୋଟରସାଇକେଲ ମୁହାଁମୁହିଁ ଧକ୍କା ହୋଇଥିଲା l
ଉଭୟ ରକ୍ତ ଜୁଡୁବୁଡୁ ଅବସ୍ଥାରେ ରୋଡରେ ପଡ଼ିଥିବା ବେଳେ ସ୍ଥାନୀୟ ଲୋକ ନୀଳାଦ୍ରିପ୍ରସାଦ ସ୍ଥିତ ଡାକ୍ତରଖାନାରେ ଉଭୟଙ୍କୁ ଭର୍ତ୍ତି କରିଥିଲେ l ପରିବାର ଲୋକ ସେଠାରୁ ବାଣପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ଆଣିଥିବାବେଳେ ଉଭୟଙ୍କର ଅବସ୍ଥା ସଙ୍କଟାପର୍ଣ୍ଣ ହେବାରୁ ଡାକ୍ତର ଉଭୟଙ୍କୁ ଏମ୍ସ ହସ୍ପିଟାଲକୁ ସ୍ଥାନାନ୍ତର କରିଥିବା ଜଣାପଡ଼ିଛି l ଅନ୍ୟ ଦୁଇଜଣଙ୍କୁ ପ୍ରାଥମିକ ଚିକିତ୍ସା ପରେ ଘରକୁ ପଠାଇ ଦିଆଯାଇଛି l
ତେବେ ପ୍ରମୋଦ ବିଶ୍ୱାଳଙ୍କ ପଲସର ମୋଟରସାଇକେଲ ଏବଂ ମୋବାଇଲକୁ ବେତୁଲି ଗ୍ରାମ ବାପୁନିଙ୍କ ସହଯୋଗୀ ମାନେ ମାରାଧାର କରି ଛଡେଇ ନେଇଯାଇଥିବା ପ୍ରମୋଦଙ୍କ ପରିବାର ତରଫରୁ ଅଭିଯୋଗ ହୋଇଥିବା ବେଳେ ବାପୁନି ନାୟକଙ୍କ ସମ୍ପର୍କୀୟମାନେ ଏହାକୁ ଖଣ୍ଡନ କରିଛନ୍ତି l
