ଟାଙ୍ଗୀ: ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ଝରିଆ ଗ୍ରାମରେ ଚାଷ ଜମିରେ ହଳ କରୁଥିବା ବେଳେ ଆଜି ଜଣେ ଚାଷୀ ଗୁରୁତର ହୋଇପଡ଼ିଥିଲେ। ଗୁରୁତର ଅବସ୍ଥାରେ ତାଙ୍କୁ ଟାଙ୍ଗୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା। ପରୀକ୍ଷା ନୀରିକ୍ଷା ପରେ ଡାକ୍ତର ଚାଷୀଙ୍କୁ ମୃତ ଘୋଷଣା କରିଥିଲେ।
ମୃତ୍ୟୁର କାରଣ ଅସ୍ପଷ୍ଟ ରହିଥିବା ବେଳେ ମୃତ ଚାଷୀଙ୍କର ନାମ ଅଜୟ ପଲାଇ ( ୪୩) ବୋଲି ଜଣାପଡିଛି। ବର୍ତ୍ତମାନ ଶବ ଜବତ କରି ତଦନ୍ତ କରୁଛି ପୋଲିସ୍।
ନିଜ ଚାଷ ଜମିରେ ଖରଡି ଧାନ ବୁଣିବା ପାଇଁ ଅଜୟ ଟ୍ରାକ୍ଟର ସହ ଧାନ ନେଇ ନିଜ ଚାଷ ଜମିକୁ ଯାଇଥିଲେ। ଚାଷ ଜମିରେ ହଳ କରିସାରି ଧାନ ବୁଣୁଥିବା ବେଳେ ସେ ହଠାତ୍ ଗୁରୁତର ହୋଇ ଅସୁସ୍ଥ ହୋଇ ପଡିଥିଲେ। ଅଜୟ ଜଣେ ଗରୀବ ଚାଷୀ ହୋଇଥିବାରୁ ତାଙ୍କ ପରିବାରକୁ ସରକାରୀ ସହାୟତା ଦେବାକୁ ସାଧାରଣରେ ଦାବି ହେଉଛି।
