କୈଳାଶ ଚନ୍ଦ୍ର ଚୌଧୁରୀ
ବ୍ରହ୍ମପୁର: ଗଞ୍ଜାମ ଜିଲ୍ଲା କୁକୁଡ଼ାଖଣ୍ଡି ବିଡ଼ିଓ ଡଃ ପଲ୍ଲବୀ ସ୍ବାଇଁଙ୍କୁ କୁକୁଡ଼ାଖଣ୍ଡି ଅବସରପ୍ରାପ୍ତ କର୍ମଚାରୀ ଓ ବରିଷ୍ଠ ନାଗରିକ ମାନଙ୍କ ପକ୍ଷରୁ ବିଭିନ୍ନ ସମସ୍ୟା ସମ୍ପର୍କରେ ଦାବିପତ୍ର ପ୍ରଦାନ କରାଯାଇଛି।
ଏହି ଦାବିପତ୍ରରେ ବିଭିନ୍ନ ଦାବି ଯଥା ସଙ୍ଘ ଗୃହ ନିର୍ମାଣ, ସହରର ବିଭିନ୍ନ ସାହିକୁ ଗମନାଗମନର ସୁବିଧା, ପାନୀୟ ଜଳ ଯୋଗାଣ, ରାସ୍ତା ଆଲୋକର ଉନ୍ନତି କରଣ ସହ ପରିବେଶ ଜନିତ ସମସ୍ୟା ବିଷୟରେ ଉଲ୍ଲେଖ ରହିଛି।
ବିଡିଓ ଦାବିପତ୍ର ଗ୍ରହଣ କରି ଅତି ଶୀଘ୍ର ବିଭିନ୍ନ ସମସ୍ୟାର ସମାଧାନ ପାଇଁ ପ୍ରତିଶ୍ରୁତି ଦେଇଥିଲେ।
ଏହି ଦାବିପତ୍ର ପ୍ରଦାନ ବେଳେ ସଭାପତି ନିତ୍ୟାନନ୍ଦ ଦଳେଇ,ଏ ସନ୍ୟାସୀ,ଏ ଚିନ୍ତାମଣି, ଅର୍ଜୁନ ରାଉତ, ସୁର୍ଯ୍ୟ ନାରାୟଣ ପଟ୍ଟନାୟକ, ମାଧବ ରାଓ ଓ ପ୍ରକାଶ ଦୋରାଙ୍କ ସମେତ ବହୁ ବରିଷ୍ଠ ନାଗରିକ ଓ ବୁଦ୍ଧିଜୀବି ଉପସ୍ଥିତ ଥିଲେ।