![](https://thesamikhsya.com/odia/wp-content/uploads/2023/08/delet1-3.jpg)
ସୀତାରାମ ଅଗ୍ରୱାଲ
ଚିଲିକା: ଚିଲିକାବିଧାନସଭାର ଟାଙ୍ଗୀ, କଳକଳେଶ୍ଵର, ବଡ଼ପାରି, ଚଣ୍ଡେଶ୍ଵର, ସୋରଣ, ଚାନ୍ଦପୁର, କରିପଡା, ମାନସିଂହପୁର ପଞ୍ଚାୟତର ସମସ୍ତ ଜନତା କାଳୁପଡାଘାଟ ରେଳ ଷ୍ଟେସନ ଉପରେ ନିର୍ଭର। କିନ୍ତୁ ଏହି ଷ୍ଟେସନରେ ଅଧିକାଂଶ ଏକ୍ସପ୍ରେସ ଟ୍ରେନ ରହୁନଥିବା କାରଣରୁ ଚିଲିକାବାସୀ ଅନେକ ସମସ୍ୟାର ଦେଇ ଗତି କରୁଥିଲେ ଓ ଗମନାଗମନ ପାଇଁ ଖୋର୍ଦ୍ଧା ରୋଡ଼ କିମ୍ବା ଭୁବନେଶ୍ବର ଓ ପୁରୀ ରେଳ ଷ୍ଟେସନ ଉପରେ ନିର୍ଭର ଥିଲେ। ଏହି ବିଷୟରେ ଚିଲିକାବାସୀ ଭାରତୀୟ ଜନତା ପାର୍ଟିର ରାଷ୍ଟ୍ରୀୟ ପ୍ରବକ୍ତା ସମ୍ବିତ ପାତ୍ରଙ୍କୁ ଅବଗତ କରେଇଥିଲ।
ସମ୍ବିତ ପାତ୍ର ଗତ ମାର୍ଚ୍ଚ ମାସରେ ଏହି ବିଷୟକୁ ନେଇ କେନ୍ଦ୍ର ରେଳ ମନ୍ତ୍ରୀ ମାନନୀୟ ଅଶ୍ୱିନୀ ବୈଷ୍ଣବକୁ ଅବଗତ କରେଇଥିଲେ ଓ କାଲୁପଡ଼ାଘାଟ ଷ୍ଟେସନରେ ରାଜ୍ୟରାଣୀ ଏକ୍ସପ୍ରେସ ଓ ପ୍ରଶାନ୍ତି ଏକ୍ସପ୍ରେସର ରହଣି ପାଇଁ ଅନୁରୋଧ କରିଥିଲେ। ସମ୍ବିତ ପାତ୍ରଙ୍କ ଅନୁରୋଧ ରକ୍ଷା କରି ଗତ ଜୁନ ମାସରେ ରାଜ୍ୟରାଣୀ ଏକ୍ସପ୍ରେସର କାଳୁପଡାଘାଟ ଷ୍ଟେସନରେ ରହଣି ପାଇଁ କେନ୍ଦ୍ର ମନ୍ତ୍ରୀ ଅଶ୍ୱିନୀ ବୈଷ୍ଣବ ଅନୁମତି ଦେଇଥିବା ବେଳେ ଗତକାଲି ପ୍ରଶାନ୍ତି ଏକ୍ସପ୍ରେସର ରହଣି ପାଇଁ ଅନୁମତି ଦେଇଛନ୍ତି।
କେନ୍ଦ୍ର ସରକାରଙ୍କ ଏହି ପଦକ୍ଷେପ ଯୋଗୁଁ ସଂପୂର୍ଣ୍ଣ ଚିଲିକାରେ ଖୁସିର ଲହରୀ ଖେଳିଯାଇଛି। ଆଜି ସ୍ଥାନୀୟ ଲୋକେ ରାଷ୍ଟ୍ରୀୟ ପ୍ରବକ୍ତା ସମ୍ବିତ ପାତ୍ରଙ୍କୁ ସମ୍ବର୍ଦ୍ଧିତ କରିଥିବା ବେଳେ ଫୋନ ଯୋଗେ ସ୍ଥାନୀୟ ଲୋକେ ଅଶ୍ୱିନୀ ବୈଷ୍ଣବଙ୍କୁ ଧନ୍ୟବାଦ ଜଣାଇଛନ୍ତି।