କନ୍ଦର୍ପ ବେହେରା
ରେଢାଖୋଲ: ପବିତ୍ର ବିଶ୍ଵ ଛାତ୍ର ଦିବସ ଅବସରରେ ନାକଟିଦେଉଳ ସ୍ଥିତ “ପ୍ରଗତି ଶିଶୁ ବିକାଶ କେନ୍ଦ୍ରରେ” ଏକ ସ୍ବତନ୍ତ୍ର ଶୈକ୍ଷିକ ଅଧିବେଶନ ଅନୁଷ୍ଠିତ ହୋଇଯାଇଛି। ଅଧିବେଶନର ଆରମ୍ଭରେ ପ୍ରଗତି ଅନୁଷ୍ଠାନର ନିର୍ଦ୍ଦେଶକ ବନ୍ଦିତା ଦାଶ, ଡ଼ଃ ଏ.ପି. ଜେ ଅବଦୁଲ କାଲାମଙ୍କ ଫଟୋ ଚିତ୍ରରେ ଦ୍ଵୀପ ପ୍ରଜ୍ବଳନ ପୂର୍ବକ ପୁଷ୍ପାଞ୍ଜଳି ଅର୍ପଣ କରିଥିଲେ।
ଉକ୍ତ ଅଧିବେଶନରେ ଶିକ୍ଷା ପରାମର୍ଶଦାତା ତଥା ନାକଟିଦେଉଳ ଉଚ୍ଚ ମାଧ୍ୟମିକ ବିଦ୍ୟାଳୟର ଶିକ୍ଷା ବିଭାଗର ଅଧ୍ୟାପକ ଡଃ ପ୍ରଶାନ୍ତ କୁମାର ଦାଶ ଶିଶୁମାନଙ୍କ ମଧ୍ୟରେ ସୃଜନାତ୍ମକ ଚିନ୍ତନ, ଫଳପ୍ରଦ ଭାବ ବିନିମୟ ଓ ଆତ୍ମ ସଚେତନତା କୌଶଳ ବିକାଶ ନିମନ୍ତେ ବିଭିନ୍ନ ଶିକ୍ଷଣ କାର୍ଯ୍ୟ ସମ୍ପାଦନ କରିଥଲେ।
ଏହି କାର୍ଯ୍ୟକ୍ରମରେ ଜଗନ୍ନାଥ ପ୍ରସାଦ ସ୍ଥିତ ସରସ୍ଵତୀ ଶିଶୁ ବିଦ୍ୟା ମନ୍ଦିରର ପଞ୍ଚମ, ଷଷ୍ଠ, ସପ୍ତମ ଓ ଅଷ୍ଟମ ଶ୍ରେଣୀର ୨୩ ଜଣ ଛାତ୍ରଛାତ୍ରୀ ଭାଗ ନେଇଥିଲେ। ପ୍ରଧାନ ଆଚାର୍ଯ୍ୟ ବିଜୟ କୁମାର ସାହୁ, ପ୍ରଗତି ଟିମ୍ ମେମ୍ବର ଶୁଭଜିତ୍ ଦେହୁରୀ ଓ ସ୍ଵଶ୍ରୀ ତେଜସ୍ମିତା ସାହୁ ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।
