ନୟାଗଡ (ସୁଧାକର ମିଶ୍ର): ଇଟାମାଟି ଗ୍ରାମ ପଞ୍ଚାୟତ ଯୁବ ନେତା ପ୍ରମୋଦ କୁମାର ନାୟକଙ୍କ ସଂଯୋଜନାରେ ଇଟାମାଟି କଂଗ୍ରେସ କାର୍ଯ୍ୟାଳୟ ଠାରେ ଦଳୀୟ କର୍ମୀ ସମ୍ମିଳନୀ ଆୟୋଜିତ ହୋଇଯାଇଛି। ନୟାଗଡ କଂଗ୍ରେସ ବିଧାୟକ ପ୍ରାର୍ଥୀ ବରିଷ୍ଠ ଆଇନଜୀବୀ ରଣଜିତ ଦାଶ କର୍ମୀ ସମ୍ମିଳନୀରେ ଯୋଗ ଦେଇ କଂଗ୍ରେସର ଗଡ଼ ଇଟାମାଟିରେ ପୁଣି ଏକଜୁଟ ହୋଇ କଂଗ୍ରେସ ଦଳକୁ ସଶକ୍ତ କରାଇ ଭ୍ରଷ୍ଟାଚାରୀ ବିଜେଡି ବିଜେପି ବିରୁଦ୍ଧରେ ଡବଲ ହାତ ଚିହ୍ନରେ ଭୋଟ ଦେବା ପାଇଁ କର୍ମୀ ମାନଙ୍କୁ ନିବେଦନ କରିଥିଲେ।
ବିଜେଡି ଶାସନରେ ଇଟାମାଟି ପଞ୍ଚାୟତ ରେ ୫୦ କୋଟି ଟଙ୍କାର ଧାନ କିଣା ଦୁର୍ନୀତି, କୋଟି କୋଟି ଟଙ୍କାର ମନରେଗା, ଗୁହାଳ ଦୁର୍ନୀତି ହେବା ସହ ଜଣେ ପ୍ରମୁଖ ବିଜେଡି ନେତା ମାନେ ସରକାରୀ ଜମି ମାଡି ପ୍ଳଟିଙ୍ଗ କରି ବିକ୍ରି କରୁଥିବା କଂଗ୍ରେସ ପ୍ରାର୍ଥୀ ଅଭିଯୋଗ କରି ଇଟାମାଟିକୁ ଦୁର୍ନୀତିର ପାହାଡ଼ କରାଯାଇଥିବା ଅଭିଯୋଗ କରିଥିଲେ।
ପିସିସି ସାଧାରଣ ସମ୍ପାଦଜ ହୁସେନ ଖାଁ, ଡିସିସି ଉପସଭାପତି କମଳ ଚରଣ ସାହୁ ଇଟାମାଟି ରେ କଂଗ୍ରେସ କୁ ଫେରାଇ ଆଣିବା ପାଇଁ ପାଇଁ ସାହୀ ସାହୀ ଘର ଘର ବୁଲି ନିବେଦନ କରାଯିବ ବୋଲି କହିଥିଲେ। ଅନ୍ୟ ମାନଙ୍କ ମଧ୍ୟରେ ବ୍ଲକ କଂଗ୍ରେସ ସଭାପତି ଫକୀର ଚରଣ ମଲ୍ଲ, ଡିସିସି ମୁଖପାତ୍ର ବୃନ୍ଦାବନ ନାୟକ, ଇଟାମାଟି କଂଗ୍ରେସ ସଭାପତି ମହେଶ୍ୱର ପ୍ରଧାନ,ଅକ୍ଷୟ ସାହୁ, ଅଧିକାରୀ ମହାରଣା, ଅନ୍ତର୍ଯ୍ୟାମୀ ସାହୁ, ଗଣେଶ ପ୍ରଧାନ, ପିଣ୍ଟୁ ସାହୁଙ୍କ ସମେତ ଇଟାମାଟି ର ପୁରୁଖା ଯୁବ ନେତା କର୍ମୀ ମାନେ ଯୋଗ ଦେଇଥିଲେ।