ବାଣପୁର (ସୀତାରାମ ଅଗ୍ରୱାଲ): ଗୋଦାବରୀଶ ମହାବିଦ୍ୟାଳୟରେ ଜାତୀୟ ସେବା ଯୋଜନା ଏହାର ନୂତନ ସ୍ବେଛାସେବୀମାନଙ୍କ ପାଇଁ ଏକ ପ୍ରବର୍ତ୍ତନ କାର୍ଯକ୍ରମ ଆୟୋଜନ କରିଛି।ଚଳିତ ବର୍ଷ ଡିଗ୍ରୀ ସ୍ତରରେ ଅଧ୍ୟାପିକା ଲକ୍ଷ୍ମୀ ପ୍ରିୟା ପଲେଇ ଓ ଉଚ୍ଚମାଧ୍ୟମିକ ସ୍ତରରେ ଅଧ୍ୟାପକ ଜୟନ୍ତ କୁମାର ବିହାରୀ କ୍ରାର୍ଯ୍ୟକ୍ରମ୍ ଅଧିକାରୀ ଭାବରେ ଦାୟିତ୍ଵ ବହନ କରିବାପରେ ଏହାର ପୁନର୍ବିନ୍ୟାସ କରିବା ପାଇଁ ଉଦ୍ୟମ କରିଛନ୍ତି।
ଆଜି ଛାତ୍ରଛାତ୍ରୀ ମାନଙ୍କ ନିମନ୍ତେ ଆୟୋଜିତ ଏହି ଉତ୍ସବରେ ମହାବିଦ୍ୟାଳୟର ଅଧ୍ୟକ୍ଷ ବିନାୟକ ହୋତା ସଭାପତିତ୍ବ କରି ଚରିତ୍ର ଗଠନ ଓ ରାଷ୍ଟ୍ର ନିର୍ମାଣ ଉଭୟ ପାଇଁ ଛାତ୍ର ଛାତ୍ରୀ ମାନଙ୍କୁ ଏହି ଯୋଜନା ମାଧ୍ୟମରେ ସେବା କରିବା ପାଇଁ ଉପଦେଶ ଦେଇଥିଲେ।
ମହାବିଦ୍ୟାଳୟର ପ୍ରଶାସନିକ ଅଧିକାରୀ ଡ ଶୁର ପ୍ରତାପ ନରେନ୍ଦ୍ର ସିଂ ବର୍ମା,ସହ ଅଧିକାରୀ ଡ ସୁଜାତା ମିଶ୍ର, ଉଚ୍ଚ ମାଧ୍ୟମିକ ବିଦ୍ୟାଳୟର ଭାରପ୍ରାପ୍ତ ଅଧ୍ୟକ୍ଷ ଲକ୍ଷ୍ମୀ ପ୍ରସାଦ ମିଶ୍ର ଯୋଗଦେଇ ସ୍ୱେଚ୍ଛାସେବୀ ମାନଙ୍କୁ ସେବା ମାଧ୍ୟମରେ ସମାଜ ଗଠନ ଓ ବିକାଶ ନିମନ୍ତେ ଉପଦେଶ ଦେଇଥିଲେ।
ଉଭୟ ପ୍ରୋଗ୍ରାମ ଅଫିସରଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ସମ୍ପାଦିତ ଏହି କାର୍ଯ୍ୟକ୍ରମର ଦିତୀୟ ଭାଗରେ ସ୍ୱେଚ୍ଛସେଵୀ ମାନଙ୍କୁ power point ମାଧ୍ୟମରେ ଯୋଜନାର ବିଭିନ୍ନ କାର୍ଯ୍ୟାବଳୀ ସମ୍ପର୍କରେ ସୂଚନା ପ୍ରଦାନ କରାଯାଇ ସୁଯୋଗ ପାଇଲେ ଏଗୁଡ଼ିକୁ ପାଳନ କରିବାପାଇଁ ପ୍ରଶିକ୍ଷଣ ଦିଆଯାଇଥିଲା।
ପରିଶେଷରେ ଯୋଜନା ଅଧିକାରୀ ଶ୍ରୀ ଜୟନ୍ତ କୁମାର ବିହାରୀ ସମସ୍ତଙ୍କୁ ଧନ୍ୟବାଦ୍ ଅର୍ପଣ କରିଥିଲେ।
