ବାଣପୁର: ଭେଟିନାଥ ଦେବ କ୍ରିକେଟ କ୍ଲବ ଆନୁକୂଲ୍ୟରେ ଭେଟେଶ୍ୱର ଠାରେ ଦୀର୍ଘ ୭ଦିନ ଧରି ଚାଲିଥିବା ବ୍ଲକ ସ୍ତରୀୟ କ୍ରିକେଟ ଟୁର୍ଣ୍ଣାମେଣ୍ଟ ଶନିବାର ଉଦଯାପିତ ହୋଇଯାଇଛି। ଉକ୍ତ ଟୁର୍ଣ୍ଣାମେଣ୍ଟରେ ସମୁଦାୟ ୧୬ଟି ଦଳ ଯୋଗ ଦେଇଥିବା ବେଳେ ଆଜିର ଫାଇନାଲ ମ୍ୟାଚରେ ବିଂଝଳା କଙ୍ଗାରୁ ସ୍ପୋର୍ଟିଙ୍ଗ କ୍ଲବ ଏବଂ ଭେଟେଶ୍ୱର ଭେଟିନାଥ କ୍ରିକେଟ ଟିମ ମଧ୍ୟରେ ଅନୁଷ୍ଠିତ ହୋଇଥିଲା।
ଆଜିର ଫାଇନାଲ ଖେଳରେ ଅତିଥି ଭାବେ ବାଣପୁର ବ୍ଲକ ଅଧକ୍ଷ ଅମରେନ୍ଦ୍ର ରଣସିଂହ, ଭଟେଶ୍ୱର ସରପଞ୍ଚ ପ୍ରତିନିଧି ଜିତେନ୍ଦ୍ର କୁମାର ଭୋଳ, ନନ୍ଦପୁର ସରପଞ୍ଚ ପୁଷ୍ପମିତ୍ର ଖୁଣ୍ଟିଆ, ସମ୍ବାଦ ପ୍ରତିନିଧି ଅରୁଣ କୁମାର ପଣ୍ଡା ଯୋଗଦେଇ ଉଭୟ ଦଳର ଖେଳାଳି ମାନଙ୍କୁ ଉତତ୍ସାହିତ କରିଥିଲେ। ଆଜିର ମ୍ୟାଚରେ ଭେଟିନାଥ ଦେବ କ୍ଲବ ରନର୍ସ ଅପ ହୋଇଥିବା ବେଳେ କଙ୍ଗାରୁ ସ୍ପୋର୍ଟିଙ୍ଗ କ୍ଲବ ବିଜେତା ହୋଇଥିଲା।
ବିଜେତା ଦଳକୁ ଟ୍ରଫି ସହ ୧୫୦୦୦ଟଙ୍କା, ଏବଂ ରନର୍ସ ଅପ ଭେଟିନାଥ ଦେବ କ୍ଲବକୁ ୧୨୦୦୦ଟଙ୍କା ଅତିଥି ମାନଙ୍କ ଦ୍ୱାରା ପ୍ରଦାନ କରାଯାଇଥିଲା।
ଉକ୍ତ ଟୁର୍ଣ୍ଣାମେଣ୍ଟକୁ ଭେଟିନାଥ ଦେବ କ୍ଲବ ତରଫରୁ ସନ୍ଦୀପ ସାମନ୍ତରାୟ, ମୁନା ପଲାଇ, ରାଜା ପଲାଇ, ସନ୍ତୋଷ ସାହୁ, ଆଲୋକ ପଲାଇ, ହାପି ପ୍ରଧାନ ପ୍ରମୁଖ ସୁଚାରୁ ରୂପେ ପରିଚାଳନା କରିଥିଲେ।