ବାଣପୁର: ରବିବାର ସକାଳ ୯ ଘଟିକା ସମୟରେ ଗୋଦାବରିଶ ମହାବିଦ୍ୟାଳୟର ପ୍ରାୟ ୪୦ ରୁ ଉର୍ଦ୍ଧ୍ଵ ରୋଭର ରେଞ୍ଜର କୋଶରଡା ଗ୍ରାମକୁ ଯାଇ ଅନେକ ପୋଷାକ ବଣ୍ଟନ କରିଛନ୍ତି। ଏହି କାର୍ଯ୍ୟକ୍ରମ ପ୍ରାରମ୍ଭରେ ଗ୍ରାମର ଛୋଟ ଛୁଆ ମାନଙ୍କୁ ଖେଳକୁଦ, ପ୍ରାର୍ଥନା ଗୀତ, ଶାରୀରିକ ଶିକ୍ଷା, ବ୍ୟାମର ଉପକାରିତା ବିଷୟରେ ସଚେତନତା କରାଇଥିଲେ। ଏହାପରେ ଗ୍ରାମର ଉଭୟ ସ୍ତ୍ରୀ ଏବଂ ପୁରୁଷ ମାନଙ୍କୁ ଡାକି ପ୍ରାୟ ଏକ ମାସ ଧରି ସଂଗ୍ରହ କରିଥିବା ବସ୍ତ୍ର ବଣ୍ଟନ କରିଥିଲେ।
ଏହି କାର୍ଯ୍ୟକ୍ରମରେ ଅଧ୍ୟକ୍ଷ ଡଃ ସୁର ପ୍ରତାପ ନରେନ୍ଦ୍ର ସିଂ ବର୍ମା, ପୂର୍ବତନ ଅଧ୍ୟକ୍ଷ ବିନାୟକ ହୋତା, ରୋଭର ଲିଡର ଆଦିତ୍ୟ ସାରଥି ବେଦମାତା, ରେଞ୍ଜର ଲିଡର ଉତ୍କଳିକା ପାଢୀ, ପୁରାତନ ଛାତ୍ର ଦିବ୍ୟରଞ୍ଜନ ପଟ୍ଟଯୋଷୀ ଇତ୍ୟାଦି ଯୋଗଦେଇ ଗ୍ରାମବାସୀ ମାନଙ୍କୁ ଶିକ୍ଷା ଓ ସ୍ୱାସ୍ଥ୍ୟ ଉପରେ ଉପଦେଶ ଦେଇଥିଲେ।
ରୋଭର ରେଞ୍ଜର ମାନଙ୍କ ମଧ୍ୟରେ ରେଞ୍ଜର ମେଟ୍ ଶର୍ମିଷ୍ଠା ପ୍ରିୟଦର୍ଶିନୀ ସ୍ଵାଇଁ, ରେଞ୍ଜର ସ୍ମୃତି ରାଣୀ ସ୍ଵାଇଁ, ଇତିଶ୍ରୀ ସାସମଲ, ସ୍ଵପ୍ନାରାଣୀ ମହାପାତ୍ର, ଆଦ୍ୟାଶା ପଣ୍ଡା, ଇପ୍ସିତା ପ୍ରଧାନ, ଲକ୍ଷ୍ମୀପ୍ରିୟା ସେନାପତି, ବିଷ୍ନୁପ୍ରିୟା ସାସମଲ, ସୋନାଲି ରାଉଳ, ପ୍ରଜ୍ଞା ନିହାରିକା, ରୋଭର ମେଟ୍ ତୁଷାରକାନ୍ତ ମଲ୍ଲିକ, ରୋଭର ସ୍ଵୟମ ସଙ୍କର ଶୁପାରକର, ଆକାଶ ରଣା, କୁନା ପ୍ରଧାନ, ରୁଦ୍ର ନାରାୟଣ ନାୟକ, ସୁମନ ଜେନା, ଶକ୍ତି ରଞ୍ଜନ ବେହେରା ଆଦି ଯୋଗ ଦେଇଥିଲେ।
