ବାଣପୁର: ଆଜି ଖୋର୍ଦ୍ଧା ଜିଲ୍ଲା ଶିକ୍ଷାଧିକାରୀଙ୍କ ନିର୍ଦ୍ଦେଶ ଅନୁସାରେ ବାଣପୁର ବ୍ଲକର ସ୍ଥାନୀୟ ସରକାରୀ ଉଚ୍ଚ ବିଦ୍ୟାଳୟ ବାଣପୁର -୨ ଠାରେ ବ୍ଲକ ସ୍ତରୀୟ ଅଭିବୃଦ୍ଧି ମେଳା-୨୦୨୫-୨୬ ଅନୁଷ୍ଠିତ ହୋଇଯାଇଛି। ଏଥିରେ ୧୨୭ ବିଦ୍ୟାଳୟରୁ ୭ ଗୋଟି ସବ ଥିମ ଯଥା -୧. ଜଳ ସଂରକ୍ଷଣ, ୨. ଶକ୍ତି ସଂରକ୍ଷଣ, ୩. ଵର୍ଯ୍ୟ ବସ୍ତୁ ହ୍ରାସ, ୪. ଇଲେକ୍ଟ୍ରୋନିକ୍ସ କାର୍ଯ୍ୟ ହ୍ରାସ, ୫. ପ୍ଲାଷ୍ଟିକ ବ୍ୟବହାର ନିରାକରଣ, ୬. ଜୀବନ ଶୈଳୀ ସ୍ବାସ୍ଥ୍ୟ ଅବସ୍ଥା, ୭. ଖାଦ୍ୟ ପ୍ରଣାଳୀର ପୋଷକ ତତ୍ତ୍ଵ ଉପରେ ଆଧାରିତ ବିଜ୍ଞାନ ପ୍ରକଳ୍ପ ସ୍ଥାନ ପାଇଛି। ପ୍ରତ୍ୟେକ ବର୍ଗ ରୁ ଶ୍ରେଷ୍ଠ ପ୍ରକଳ୍ପ କୁ ଜିଲ୍ଲା ସ୍ତରକୁ ବିଚାରକୁ ନେଇ ମନୋନୀତ କରାଯାଇଛି। ସ୍ଥାନୀୟ ଗୋଦାବରୀଶ ମହାବିଦ୍ୟାଳୟର ବିଚାରକ ମାନଙ୍କ ଦ୍ଵାରା ପ୍ରକଳ୍ପ ମନୋନୀତ ହୋଇସାରିଛି। ଉକ୍ତ ସାତ ଗୋଟି ପ୍ରକଳ୍ପ ସହିତ ପ୍ରଥମ, ଦ୍ୱିତୀୟ, ତୃତୀୟ ପ୍ରକଳ୍ପ କୁ ୧୫୦୦ ଟଙ୍କା, ୧୦୦୦ ଟଙ୍କା ଓ ୫୦୦ ଟଙ୍କାର ଅର୍ଥ ରାଶି ସହିତ ସର୍ଟିଫିକେଟ ଓ ଟ୍ରଫି ପ୍ରଦାନ କରାଯାଇଛି।
ଉଦଘାଟନୀ ଉତ୍ସବ ଓ ଉଦଯାପନୀ ଉତ୍ସବ ଯଥା ରୀତି ମୁଖ୍ୟ ଅତିଥି ସମ୍ମାନୀତ ଅତିଥି ମାନଙ୍କ ସହିତ ମହସମରୋହ ରେ ସମ୍ପାଦିତ ହୋଇଛି। ଏଥିରେ ବିଦ୍ୟାଳୟ ର ପ୍ରଧାନ ଶିକ୍ଷକ, ସମସ୍ତ ଶିକ୍ଷକ, ଶିକ୍ଷୟତ୍ରୀ ଏବଂ ଗୋଷ୍ଟି ଶିକ୍ଷା କାର୍ଯ୍ୟାଳୟର ସମସ୍ତ ସି ଆର ସି ସି, ଗୋଷ୍ଟି ଶିକ୍ଷା ଅଧିକାରୀ, ଅତିରିକ୍ତ ଗୋଷ୍ଟି ଶିକ୍ଷା ଅଧିକାରୀ କାର୍ଯକ୍ରମକୁ ମିଳିତ ଭାବେ ପରିଚାଳନା କରିଛନ୍ତି।