ରେଢ଼ାଖୋଲ (କନ୍ଦର୍ପ ବେହେରା): ସମ୍ବଲପୁର ଜିଲ୍ଲା ନାକଟିଦେଉଳ ବ୍ଲକ କାର୍ଯ୍ୟାଳୟ ପରିସରରେ ସମ୍ବଲପୁର ଜିଲ୍ଲାପାଳଙ୍କ ଯୁଗ୍ମ ଅଭିଯୋଗ ଶୁଣାଣୀ ବ୍ଲକ ଅଧ୍ୟକ୍ଷା ସ୍ୱରୂପା ରାଣୀ ସାହୁଙ୍କ ସଭାପତିତ୍ୱରେ ଅନୁଷ୍ଠିତ ହୋଇ ଯାଇଛି।
ଏହି ଜନ ଶୁଣାଣୀରେ ମୁଟୁରୁମୁଣ୍ଡା ଆଶ୍ରମ ବିଦ୍ୟାଳୟରେ ଶିକ୍ଷକ ସମସ୍ୟା, ସାଲେଭଟା ଗ୍ରାମରେ ପାନୀୟଜଳ ଓ ବିଦ୍ୟୁତ ସମସ୍ୟା, କୁଡାନାଲି ସ୍କୁଲ ରେ ରେ ଜଗୁଆଳି ଓ ସୁଇପର ନିଯୁକ୍ତିରେ ଅନିୟମିତତା, ଖଣ୍ଡିବାହାଲ ବିଦ୍ୟାଳୟର ଖେଳପଡିଆ ୩ କିମି ଦୂରରେ ଥିବାରୁ ଛାତ୍ର ଛାତ୍ରୀ ମାନେ ଖେଳିଯିବା ପାଇଁ ଅସୁବିଧାର ସମ୍ମୁଖୀନ ହେଉଥିବା, ହିନ୍ତରାଇ ପୀଡବ୍ଲୁଡି ରାସ୍ତା ଖରାପ ହୋଇଯାଇଥିବା ସମ୍ପର୍କରେ ଜିଲ୍ଲପାଳ ଙ୍କ ଠାରେ ଅଭିଯୋଗ ହୋଇଥିଲା।
ସମୁଦାୟ ୫୫ଟି ଅଭିଯୋଗ ଆସିଥିବାବେଳ ସେଥି ମଧ୍ୟରୁ ୨୧ ଟି ସାମୁହିକ ଓ ୩୪ ଟି ବ୍ୟକ୍ତି ଗତ ଅଭିଯୋଗ ଆସି ଥିଲା ଏଥିରେ ସମ୍ବଲପୁର ପିଡି ପ୍ରସନ୍ନ ପାତ୍ର, ନାକଟିଦେଉଳ ବିଡ଼ିଓ ଆକାଶ ସାହୁ, ଏସ ଡି ପିଓ ପ୍ରଶାନ୍ତ ସାମଲ, ଉପାଧ୍ୟକ୍ଷ ଜିତେନ୍ଦ୍ର ପ୍ରଧାନ ପ୍ରମୁଖ ଅତିଥିଭାବରେ ଯୋଗ ଦେଇଥିଲେ।
ରେଢ଼ାଖୋଲ ଓ ନାକଟିଦେଉଳ ବ୍ଲକର ବହୁ ବ୍ୟକ୍ତି ଅଭିଯୋଗ ଶୁଣାଣୀକୁ ଆସି ଅଭିଯୋଗ କରିଥିଲେ।