ବାଣପୁର: ବାଣପୁର-ମାଟିର ବରପୁତ୍ର, ଚ଼ିତ୍ରାଚାଯ୍ୟ ପଦ୍ମଶ୍ରୀ ଉପେନ୍ଦ୍ର ମହାରଥିଙ୍କ ୪୫ତମ ଶ୍ରାଦ୍ଧୋତ୍ସବ ଚଳିତ ତା୨୪-୦୨-୨୬ରିଖ ମଙ୍ଗଳବାର ଦିବା ୧୦ ଘଟିକା ଠାରୁ ସଂଧ୍ୟା ୬ ଘଟିକା ପର୍ଯ୍ୟନ୍ତ ଜନ୍ମମାଟି ନରେନ୍ଦ୍ରପୁରର ତାଙ୍କ ନାମରେ ନାମିତ ଉପେନ୍ଦ୍ର ବିଦ୍ୟାପୀଠ ପରିସରରେ ମହାସମାରୋହରେ ପାଳନ କରାଯିବା ପାଇଁ ପଦ୍ମଶ୍ରୀ ଉପେନ୍ଦ୍ର ମହାରଥି ସ୍ମୃତି ପରିଷଦ ତରଫରୁ ସ୍ଥିର କରାଯାଇଛି। ତାଙ୍କର ଏହି ମହାପ୍ରୟାଣ ଦିବସରେ ବିଦ୍ୟାଳୟ ର ୪୧ତମ ବାର୍ଷିକୋତ୍ସବ ପୁରସ୍କାର ବିତରଣି ସହିତ ରାଜ୍ୟ ସରକାରଙ୍କ ଓଡ଼ିଶା ଭାଷା ସାହିତ୍ୟ ଓ ସଂସ୍କୃତି ବିଭାଗ, ଓଡ଼ିଶା ସାହିତ୍ୟ ଏକାଡ଼େମୀ, ଓଡ଼ିଶା ଲଳିତ କଳା ଏକାଡ଼େମୀ, ଉତ୍କଳ ସଂସ୍କୃତି ବିଶ୍ଵବିଦ୍ୟାଳୟ ଓ ପଦ୍ମଶ୍ରୀ ଉପେନ୍ଦ୍ର ମହାରଥି ସ୍ମୃତି ପରିଷଦଙ୍କ ମିଳିତ ଆନୁକୂଲ୍ୟରେ ଉକ୍ତଦିନ “ଚିତ୍ରାଚାର୍ଯ୍ୟଙ୍କୁ ଚିତ୍ରାଞ୍ଚଳି” କାର୍ଯ୍ୟକ୍ରମ ଆୟୋଜନ କରାଯାଇଛି।
ଏଥିରେ ପ୍ରଥମ ଥର ପାଇଁ ଆମ ଅଞ୍ଚଳରେ ଲଳିତ କଳା ଏକାଡ଼େମୀ ତରଫରୁ ଓଡ଼ିଶା ତଥା ଜାତୀୟସ୍ତରର ଖ୍ୟାତି ସଂପର୍ଣ୍ଣ ୨୦ ଜଣ ପ୍ରଖ୍ୟାତ ଯୁବଚିତ୍ର ଶିଳ୍ପୀ ବିଦ୍ୟାପୀଠ ପରିସରରେ ତାଙ୍କ ସ୍ମୃତି ପ୍ରତି ଶ୍ରଦ୍ଧାଞ୍ଜଳି ଜଣାଇ ଏକ ବିରାଟ ଚିତ୍ରକଳା ପ୍ରଦର୍ଶନୀର ଆୟୋଜନ କରିବେ । ଓଡ଼ିଶା ସାହିତ୍ୟ ଏକାଡ଼େମୀ ତରଫରୁ ବିଶ୍ଵବିଜୟୀ ଉପେନ୍ଦ୍ର ମହାରଥିଙ୍କ ଜାତୀୟ ତଥା ଆନ୍ତର୍ଜାତିକ ସ୍ତରରେ ତାଙ୍କର କୃତି ଓ କୀର୍ତ୍ତି ସଂପର୍କରେ ଏକ ଆଲୋଚନାଚକ୍ର ଅନୁଷ୍ଠିତ ହେବ।
ସେଥିରେ ରାଜ୍ୟର ବହୁଖ୍ୟାତି ସଂପର୍ଣ୍ଣ ଚିତ୍ରଶିଳ୍ପୀ, ସାହିତ୍ୟିକ, କବି, କଥାକାର, ଗବେଷକ, ପ୍ରାଜ୍ଞବିଜ୍ଞ ବ୍ୟକ୍ତିତ୍ୱ ଅଂଶଗ୍ରହଣକରି ମହାରଥିଙ୍କ ଜୀବନର ଅନାଲୋଚିତ ଅଧ୍ୟାୟର ଉନ୍ମୋଚ଼ନ କରିବେ। ଶେଷରେ ସମ୍ମାନଷ୍ପଦ ମନ୍ତ୍ରୀ, ସାଂସଦ, ପୂର୍ବତନ ବିଧାୟକ, ସ୍ଥାନୀୟ ଜନପ୍ରତିନିଧି ଯୋଗଦାନ କରି ବିଦ୍ୟାଳୟ ପରିସରରେ ତାଙ୍କ ପ୍ରତିମୂର୍ତ୍ତି ଉନ୍ମୋଚ଼ନ କରିବା ସହିତ ବିଦ୍ୟାଳୟର ଛାତ୍ରଛାତ୍ରୀମାନଙ୍କୁ ଉଦବୋଧନ ଦେଇ ପୁରସ୍କାର ବିତରଣ କରିବାର କାର୍ଯ୍ୟକ୍ରମ ରହିଛି।
ବିଶ୍ଵମୁକ୍ତିପ୍ରକାଶନ ତରଫରୁ ମହାରଥିଙ୍କୁ ସ୍ମୃତି ଶ୍ରଦ୍ଧାଞ୍ଜଳି ଅର୍ପଣ ନିମନ୍ତେ ବିଶ୍ଵମୁକ୍ତି ସାହିତ୍ୟ ପତ୍ରିକାର ଏକ ସ୍ଵତନ୍ତ୍ରସଂଖ୍ୟା ଲୋକାର୍ପିତ ହେବବୋଲି ପଦ୍ମଶ୍ରୀ ଉପେନ୍ଦ୍ର ମହାରଥିସ୍ମୃତି ପରିଷଦର ମୁଖ୍ୟ ଉପଦେଷ୍ଟା ପ୍ରଫେସର ଶଶାଙ୍କଚୂଡ଼ାମଣିଙ୍କଠାରୁ ପ୍ରକାଶ।