ରେଢ଼ାଖୋଲ (କନ୍ଦର୍ପ ବେହେରା): ନାକଟିଦେଉଳ ବ୍ଲକ ଗୋଗୁଆ ପଂଚାୟତ ଛତ୍ରପୁର ଆଶ୍ରମ ବିଦ୍ୟାଳୟର ପ୍ରଧାନ ଶିକ୍ଷକ ପରମେଶ୍ୱର ପ୍ରଧାନଙ୍କ ଅବସର କାଳୀନ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି।
ବାପୁଜୀ ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟର ପ୍ରଧାନ ଶିକ୍ଷକ କ୍ଷୀରୋଦ ଚନ୍ଦ୍ର ପଣ୍ଡାଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ନାକଟିଦେଉଳ ବ୍ଲକର ଗୋଷ୍ଟୀ ଶିକ୍ଷା ଅଧିକାରୀ ବିଜୟ କୁମାର ପାତ୍ର ମୁଖ୍ୟ ଅତିଥି, ବିଦ୍ୟାଳୟ ପରିଚାଳନା କମିଟିର ଅଧ୍ୟକ୍ଷା ରଶ୍ମିତା ନାଏକ, ଗୋଗୁଆ ସରପଞ୍ଚ ଧନେଶ୍ୱର ସାହୁ, ଗିରିଚନ୍ଦ୍ରପୁର ହାଇସ୍କୁଲ ର ଖେଳ ଶିକ୍ଷକ ପ୍ରକାଶ ଚନ୍ଦ୍ର ପଣ୍ଡା, ନାକଟିଦେଉଳ ବ୍ଲକ ର ମଙ୍ଗଳ ଅଧିକାରୀ ଦେବକାନ୍ତ ପରିଡା, ପଞ୍ଚଖଣ୍ଡା ହାଇସ୍କୁଲ ର ପ୍ରଧାନ ଶିକ୍ଷକ ପବିତ୍ର ମୋହନ ବିଶ୍ୱାଳ, ନିଖିଳ ଉତ୍କଳ ଶିକ୍ଷକ ସଂଘ ର ସଭାପତି ବୀରେନ୍ଦ୍ର କୁମାର ପଟେଲ ପ୍ରମୁଖ ଯୋଗଦେଇ ଅବସର କାଳୀନ ସମ୍ବର୍ଦ୍ଧନା ରେ ଶିକ୍ଷକ ପରମେଶ୍ୱର ପ୍ରଧାନ ଜଣେ ଛାତ୍ର ବତ୍ସଳ ଶିକ୍ଷକ, ପରୋପକାରୀ ବ୍ୟକ୍ତି, ତଥା ସବୁ ବର୍ଗର ମଣିଷଙ୍କୁ ଭଲ ପାଉଥିବା ଜଣେ ଶିକ୍ଷକ।
ତିନି ଦଶନ୍ଧି ଧରି ଶିକ୍ଷକତା କରି ସେ ବହୁ ଛାତ୍ର ଛାତ୍ରୀଙ୍କୁ ଦିଗଦର୍ଶନ ଦେବାସହ ବିଦ୍ୟାଳୟ ଉନ୍ନତି କିପରି ହୋଇ ପାରିବ ଯଥା ସାଧ୍ୟ ଉଦ୍ୟମ କରୁଥିଲେ। ସେ ଥିଲେ ମଣିଷ ତିଆରି କାରଖାନାର ଜଣେ ବ୍ୟକ୍ତି। ଛୋଟ ଠାରୁ ବଡ ପର୍ଯ୍ୟନ୍ତ ସମସ୍ତ ଙ୍କୁ ଭଲ ପାଉଥିଲେ। ତାଙ୍କର ପ୍ରତିଟି ବାକ୍ୟ ଗୋଟେ ଗୋଟେ କବିତା ବୋଲି ଅତିଥିମାନେ ମତବ୍ୟକ୍ତ କରିଥିଲେ। ବଲାସିଙ୍ଘା ସେବାଶ୍ରମ ର ଅତିଥି ଶିକ୍ଷକ ବୁଲେଟ ନାଏକ କାର୍ଯ୍ୟକ୍ରମ ପରିଚାଳନା କରିଥିବାବେଳେ ଅନ୍ୟ ଶିକ୍ଷକ ମାନେ ସହଯୋଗ କରିଥିଲେ। ଛାତ୍ର ଛାତ୍ରୀମାନଙ୍କ ଦ୍ୱାରା ସ୍ୱାଗତ ସଂଗୀତ ଓ ଗୁରୁ ବନ୍ଦନା ଗାନ କରାଯାଇଥିବା ବେଳେ ରେଢ଼ାଖୋଲ ଉପଖଣ୍ଡର ବିଭିନ୍ନ ବିଦ୍ୟାଳୟ ରୁ ଆସିଥିବା ଶିକ୍ଷକ ଓ ଶିକ୍ଷୟତ୍ରୀ ମାନେ ଉପଢୌକନ ଦେଇ ସମ୍ବର୍ଦ୍ଧିତ କରିଥିଲେ। ଶିକ୍ଷକ ଅରବିନ୍ଦ ଥାର୍ଟି ଧନ୍ୟବାଦ ଦେଇଥିଲେ।