ବାଣପୁର: ଗୋଦାବାରୀଶ ମହାବିଦ୍ୟାଳୟର ପଠନ ସଭାଗୃହରେ ଏକ ରକ୍ତଦାନ ଶିବିର ଅନୁଷ୍ଠିତ କରାଯାଇ ୩୦ ୟୁନିଟ ରକ୍ତ ସଂଗ୍ରହ କରାଯାଇଛି। ଅନୁଷ୍ଠାନର ଅଧ୍ୟକ୍ଷ ଡ଼ଃ ସୁରପ୍ରତାପ ନରେନ୍ଦ୍ର ସିଂ ବର୍ମାଏହି ଶିବିର ଉଦଘାଟନ କରିଥିଲେ। ପ୍ରଶାସନିକ ଅଧିକାରୀ ଆଦିତ୍ୟ ସାରଥୀ ବେଦମତ୍ତା, ରେଡ଼କ୍ରସ କାଉନସିଲର ଡ଼ଃ ସତ୍ୟାନନ୍ଦ ମହାରଣା, ଅନିତା ସାହୁ, ଏନ ସି ସି ଅଫିସର କ୍ୟାପଟେନ ଡ଼ଃ ଗୁରୁକିଶୋର ନାୟକ ଏନ ସ ସ ଅଫିସର ଡ଼ଃ ଲକ୍ଷ୍ମୀପ୍ରିୟା ପଲାଇ, ଜୟନ୍ତ ବିହାରୀ, ରେଞ୍ଜର ଲିଡର ଉତ୍କଳିକା ପାଢ଼ୀ ଓ଼ ସମ୍ବାଦିକ ସେକ ମୈନୁଲ ହକ ଏହି ଶିବିରକୁ ପରିଚାଳନା କରିଥିଲେ।
ଏହି ଶିବିରରେ ଛାତ୍ରଛାତ୍ରୀ ଓ ସ୍ଵେଚ୍ଛାସେବୀ ମାନଙ୍କୁ ରକ୍ତ ଦାନ କରିବା ଦ୍ୱାରା ସମାଜ କିପରି ଉପକୃତ ହୁଏ ସେ ବିଷୟରେ ଅନୁପ୍ରାଣିତ କରାଯାଇଥିଲା। ଏହି ଶିବିରରେ ଅଧ୍ୟକ୍ଷ ଡ଼ଃ ବର୍ମା, ଅଧ୍ୟାପକ ସପିନ କୁମାର ପୃଷ୍ଟି, ଅଧ୍ୟାପକ ଡ଼ଃ ଗୁରୁକିଶୋର ନାୟକ ଅଧ୍ୟାପିକା ଉତ୍କଳିକା ପାଢ଼ୀ, +୨ କାର୍ଯ୍ୟାଳୟ କନିଷ୍ଠ କିରାଣୀ ମନୋଜ କୁମାର ପରିମାଣିକ ଓ଼ ଛାତ୍ର ଛାତ୍ରୀ ରକ୍ତ ଦାନ କରିଥିଲେ। ଖୋର୍ଦ୍ଧା ଜିଲ୍ଲା ରେଡ଼କ୍ରସ ବ୍ଲଡ଼ ବ୍ୟାଙ୍କ ଅରୁଣଙ୍କ ତତ୍ୱାବଧାନରେ ରକ୍ତ ସଂଗ୍ରହ କରାଯାଇଥିଲା।