ଟାଙ୍ଗି/ଖୋରଧା: ଟାଙ୍ଗୀ ସରକାରୀ ବାଳିକା ଉଚ୍ଚବିଦ୍ୟାଳୟ ଠାରେ ରାଜ୍ୟ ସରକାରଙ୍କ ବିଦ୍ୟାଳୟ ଓ ଗଣଶିକ୍ଷା ବିଭାଗର ନିର୍ଦ୍ଦେଶକ୍ରମେ (୨୫ ଅଗଷ୍ଟରୁ ୩୧ ଅଗଷ୍ଟ) ସଂସ୍କୃତ ସପ୍ତାହ ଉତ୍ସାହର ସହିତ ପାଳିତ ହୋଇଯାଇଛି। ଏହି ଅବସରରେ ବିଦ୍ୟାଳୟରେ ପ୍ରାର୍ଥନା ସଭାରେ ସଂସ୍କୃତ ଶପଥ ପାଠ, ଗୀତା ଶ୍ଳୋକ ପାଠ, ସଂସ୍କୃତ ଭାଷାର ଆଧୁନିକତା ପ୍ରୟୋଗ ସଂପର୍କିତ ପ୍ରଦର୍ଶନୀ ଏବଂ “ମମ ଆତ୍ମଦର୍ଶନକ୍ଷେତ୍ରମ୍” ବିଶେଷ ଆକର୍ଷଣ ସାଜିଥିଲା। ଏହା ସହିତ ସଂସ୍କୃତ ସୁଭାଷିତ ଲିଖିତ ସ୍ଲୋଗାନ ରାଲି, ସଂସ୍କୃତ ସମ୍ଭାଷଣ, ରଚନା, ସଂଗୀତ ଓ ନୃତ୍ୟ ପରିବେଷଣ ଭଳି ବିଭିନ୍ନ ପ୍ରତିଯୋଗିତା ଆୟୋଜିତ ହୋଇଥିଲା।
କୃତି ପ୍ରତିଯୋଗୀମାନଙ୍କ ମଧ୍ୟରେ ପ୍ରଥମ ସ୍ଥାନରେ ସାଇ ଅର୍ପିତା, ଲକ୍ଷ୍ମୀପ୍ରିୟା ନାୟକ, କନ୍ୟକା ମହାରଣା, ସାଇଶ୍ରୀ ମହାପାତ୍ର। ଦ୍ବିତୀୟ ସ୍ଥାନରେ ଲକ୍ଷ୍ମୀପ୍ରିୟା ନାୟକ, ରାଜଶ୍ରୀ ସ୍ବାଇଁ, ଅତୁଲ୍ୟା ମହାପାତ୍ର, ସାଇନା ପ୍ରିୟଦର୍ଶନୀ। ତୃତୀୟ ସ୍ଥାନରେ ରାଜଶ୍ରୀ ବେହେରା, ସଗୁନ୍ ପ୍ରିୟଦର୍ଶନୀ, ସୋନାଲି ବେହେରା, ସଂପୂର୍ଣ୍ଣା ଖମାରୀ, ପ୍ରତୀକ୍ଷା ପ୍ରିୟଦର୍ଶିନୀ।
ଏହି କାର୍ଯ୍ୟକ୍ରମରେ ବିଦ୍ୟାଳୟର ପ୍ରଧାନଶିକ୍ଷକ ପ୍ରମୋଦ କୁମାର ସାହୁ, ସହକାରୀ ଶିକ୍ଷକ ସୁରେଶ ଚନ୍ଦ୍ର ବେହେରା, ଶିକ୍ଷକ କାଶୀନାଥ ଘଡାଇ, ଦେବବ୍ରତ ଗିରି, କବିତା ବେହେରା, ଦେବସ୍ମିତା ଦଣ୍ଡପାଟ ଓ ଜୟଶ୍ରୀ ବେହେରା ଉପସ୍ଥିତ ରହି କୃତୀ ଛାତ୍ରୀମାନଙ୍କୁ ପୁରସ୍କୃତ କରିବା ସହ ଉତ୍ସାହିତ କରିଥିଲେ। ପରିଶେଷରେ ଶିକ୍ଷୟିତ୍ରୀ ଲକ୍ଷ୍ମୀପ୍ରିୟା ସାହୁ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ।