ସମୀକ୍ଷା ବ୍ୟୁରୋ
କୁଜଙ୍ଗ, ୨୨/୧୨: କୁଜଙ୍ଗ ସ୍ଥିତ ସୂଚନା କେନ୍ଦ୍ର ପରିସରରେ ଶନିବାର ଦିନ କୁଜଙ୍ଗ ଡ଼ାକ ଉପଖଣ୍ଡ ପକ୍ଷରୁ ଏକ ବାଣିଜ୍ୟ ବିକାଶ ସମାବେଶ ଅନୁଷ୍ଠିତ ହୋଇଯାଇଛି। ବିଭିନ୍ନ ଯୋଜନାରେ ବାଣିଜ୍ୟ ବିକାଶ ସମ୍ପର୍କରେ ଏହି ସମାବେଶରେ ଆଲୋଚନା ହୋଇ ଯାଇଛି। କୁଜଙ୍ଗ ପୋଷ୍ଟ ମାଷ୍ଟର ହୃଷୀକେଶ ବେହେରାଙ୍କ ଅଧ୍ୟକ୍ଷତାରେ ଅନୁଷ୍ଠିତ ସମାବେଶରେ ଓଡିଶା ସର୍କଲର ଡ଼ାକସେବା ନିର୍ଦ୍ଦେଶକ ଜି. ଗୁରୁନାଥନ ମୁଖ୍ୟଅତିଥିଭାବେ ଯୋଗ ଦେଇଥିଲେ। ଅନ୍ୟ ମାନଙ୍କ ମଧ୍ୟରେ ଇଣ୍ଡିଆନ ପୋଷ୍ଟାଲ ଇନ୍ସ୍ୟରାନ୍ସ ଡ଼ିଡ଼ିଏମ ପି.ରାମକୃଷ୍ଣନ, କଟକ ଦକ୍ଷୀଣ ମଣ୍ଡଳ ଡ଼ାକ ବିଭାଗ ସୁପରିଟେଣ୍ଡେଣ୍ଟ ଜିପି କର, ଜଗତସିଂହପୁର ଜିଲ୍ଲାର ଆଇପିପିବି ମ୍ୟାନେଜର ଆନନ୍ଦ ସ୍ୱରୂପ ଦାସ, କୁଜଙ୍ଗ ଡ଼ାକ ଉପଖଣ୍ଡର ଡ଼ାକ ନୀରିକ୍ଷକ ସତ୍ୟବ୍ରତ ଗାହାଣ ପ୍ରମୁଖ ସମ୍ମାନୀତ ଅତିଥିଭାବେ ଯୋଗଦେଇଥିଲେ। ଡ଼ାକ ବିଭାଗର ବିଭିନ୍ନ ଯୋଜନାକୁ କିପରି ଜନସାଧାରଣଙ୍କ ନିକଟରେ ପହଂଚାଯାଇ ପାରିବ ଏବଂ ଡ଼ାକ ବିଭାଗର ବାଣିଜ୍ୟକୁ ବୃଦ୍ଧି କରାଯାଇ ପାରିବ ସେ ସମ୍ପର୍କରେ ଉପସ୍ଥିତ ବକ୍ତା ଆଲୋକପାତ କରିଥିଲେ। ଏହି ଅବସରରେ ଡ଼ାକ ବିଭାଗ ଜରିଆରେ କାର୍ଯ୍ୟକାରୀ କରାଯାଉଥିବା ପୋଷ୍ଟାଲ ଲାଇଫ ଇନସ୍ୟୁରାନ୍ସ, ରୁରାଲ ପୋଷ୍ଟାଲ ଲାଇଫ ଇନସ୍ୟୁରାନ୍ସ , ପ୍ରଧାନମନ୍ତ୍ରୀ ଜୀବନ ଜ୍ୟୋତି ବୀମା ଯୋଜନା, ଅଟଳ ପେନସନ ଯୋଜନା ସମ୍ପର୍କରେ ମଧ୍ୟ ଆଲୋଚନା ହୋଇଥିଲା।
