Tag: kujang

ରଞ୍ଜିତ ପଣ୍ଡା
କୁଜଙ୍ଗ : ଜ୍ୟୋତି ଫେଡେରେସନ୍ ପକ୍ଷରୁ ଶୁଖିଲା ଖାଦ୍ୟ ବିତରଣ କେନ୍ଦ୍ରର ଉଦ୍‌ଘାଟନ କରାଯାଇଛି । ମହିଳା ଓ ଶିଶୁ ବିକାଶ ଅଧିକାରୀଙ୍କ କାର୍ଯ୍ୟାଳୟ ପରିସରରେ ଶୁଖିଲା ଖାଦ୍ୟ ଓ ଅତ୍ୟାବଶ୍ୟକ ସାମଗ୍ରୀର ବିତରଣ କେନ୍ଦ୍ର ଖୋଲାଯାଇଛି । ଏହି ବିତରଣ କେନ୍ଦ୍ରରେ ଚୁଡ. ବିସ୍କୁଟ୍‌, ପାଣି ବଟଲ୍‌, ସାବୁନ୍‌, ଡାଲି, ଚିନି, ଛତୁଆ ପ୍ରଭୃତି ଅତ୍ୟାବଶ୍ୟକ ସାମଗ୍ରୀର ବିକ୍ରୟ ପାଇଁ ଏହି ଦୋକାନ ଖୋଲାଯାଇଛି । ଶସ୍ତା ଦରରେ ଗ୍ରାହକଙ୍କୁ ସାମଗ୍ରୀ ଯୋଗାଇବା ପାଇଁ ଏହି କେନ୍ଦ୍ର ଖୋଲାଯାଇଛି । କୁଜଙ୍ଗ ବ୍ଲକ୍ ଅଧିକାରୀ ସନ୍ତୋଷ କୁମାର ଶତପଥୀ, ବ୍ଲକ୍ ଅଧ୍ୟକ୍ଷା ସ୍ମୃତି ରଞ୍ଜନ ବେହେରା, ମହିଳା ଓ ଶିଶୁ ବିକାଶ ଅଧିକାରୀ ତନୁପ୍ରଭା ବେଉରା ଓ ଜ୍ୟୋତି ଫେଡେରେସନ୍‌ର ସଭାନେତ୍ରୀ ମନୋରମା ମହାପାତ୍ର ଏବଂ ପିଓ ପ୍ରିୟଦର୍ଶିନୀ ମହାପାତ୍ର ପ୍ରମୁଖ ଶୁଭାରମ୍ଭ କରିଥିଲେ । ଏହା ସହିତ ସାମାଜିକ ଦୂରତ୍ୱ ଅନୁଯାୟୀ ଲୋକ ଜିନିଷ କିଣୁଥିବାର ଦେଖାଯାଇଥିଲା ।

ରଞ୍ଜିତ ପଣ୍ଡା
କୁଜଙ୍ଗ: ଗୁରୁବାର ସନ୍ଧ୍ୟାରେ କୁଜଙ୍ଗରେ ତୁହାକୁ ତୁହା ବର୍ଷା ସହ ପ୍ରାୟ ୫୦ କିମି ବେଗରେ ପବନ ବହିଛି। ଏହି ସମୟରେ ବିଜୁଳି ସହ ବର୍ଷା ପବନରେ ବହୁ ଅଂଚଳରେ ଗଛ ମଧ୍ୟ ଉପୁଡି ପଡିଛି। କୁଜଙ୍ଗ ତହସିଲର କିଛି କର୍ମଚାରୀ କାମ ସାରି ବାଇକ୍ ଯୋଗେ ଫେରୁଥିବା ବେଳେ କଟକ-ପାରାଦ୍ୱୀପ ରାସ୍ତାରେ ଗଛ ପଡି ଆହତ ହୋଇଥିବା ସୂଚନା ମିଳିଛି। କୁଜଙ୍ଗ ତହସିଲର ବରିଷ୍ଠ କ୍ଲର୍କ ଲାଲା ଅମରେନ୍ଦ୍ର ରାୟ, କିରାଣୀ ବନବିହାରୀ ପ୍ରଧାନ, ଗୁରୁ ପ୍ରସାଦ ରାଉତ ବାଇକରେ ଯାଉଥିବା ବେଳେ ଏହି ଦୁର୍ଘଟଣା ଘଟିଛି। ଗଛର ଡାଳ ପଡି ଲାଲା ଅମରେନ୍ଦ୍ର ରାୟଙ୍କ ହାତ ଭାଙ୍ଗି ଯାଇଥିବା ବେଳେ ବନବିହାରୀ ପ୍ରଧାନ ଗୁରୁତର ହୋଇଥିବା ଜଣାପଡିଛି। ଏହି ଅବସରରେ ଅନ୍ୟ ଜଣେ କର୍ମଚାରୀ ଗୁରୁ ପ୍ରସାଦ ରାଉତଙ୍କ ଆଗରେ ମଧ୍ୟ ଗଛର ଡାଳ ପଡି ଯିବାରୁ ସେ ମଧ୍ୟ ଆହତ ହୋଇଛନ୍ତି। ବର୍ଷା ସତ୍ତ୍ୱେ ଆହତଙ୍କୁ ସ୍ଥାନୀୟ ଲୋକେ ଉଦ୍ଧାର କରି କୁଜଙ୍ଗ ମେଡିକାଲ ଭର୍ତ୍ତି କରାଇଥିଲେ।

ରଞ୍ଜିତ ପଣ୍ଡା
କୁଜଙ୍ଗ : ଭାରତୀୟ ତୈଳନିଗମ ପକ୍ଷରୁ ନିର୍ମାଣ କରାଯାଉଥିବା ପାରାଦୀପ-ହାଇଦ୍ରାବାଦ ପାଇପ ଲାଇନ କାର୍ଯ୍ୟକୁ ବିରୋଧ କରି କ୍ଷତିଗ୍ରସ୍ତ ଚାଷୀମାନେ ବାଲିତୁଠ ପଂଚାୟତ କାର୍ଯ୍ୟାଳୟକୁ ଘେରାଉ କରିଛନ୍ତି । ଏହା ସହିତ ପାଇପ ଲାଇନ ଯିବାକୁ ଥିବା ଜମିରେ ଆଜିଠାରୁ ପ୍ରତୀକାତ୍ମକଭାବେ ଧାରଣା ଦେଇଥିବା ଜଣାପଡ଼ିଛି । ପାରାଦ୍ୱୀପ- ହାଇଦ୍ରାବାଦ ପାଇପ ଲାଇନ କାର୍ଯ୍ୟ ଚାଲିଥିବାବେଳେ କ୍ଷତିଗ୍ରସ୍ତ ଜମି ମାଲିକମାନେ ଉପଯୁକ୍ତ କ୍ଷତି ପୂରଣ ଦାବୀକରି ଆନ୍ଦୋଳନ ଚଳାଇ ଆସୁଛନ୍ତି । ବାଲିତୁଠ, ବଡ଼ବୁଦା, ବିଜିପୁର, ଆଲିଗଡ଼ ଏବଂ ଗଡ଼କୁଜଙ୍ଗ ଗ୍ରାମର ଚାଷଜମି ଉପରେ ଏଡି ପାଇପ ଲାଇନ ବିଛାଯାଉଛି । ଯାହାଦ୍ୱାରା କି ୧୦୬ ଚାଷୀ ପରିବାର କ୍ଷତିଗ୍ରସ୍ତ ହେଉଛନ୍ତି । ତେବେ ଏହି କ୍ଷତିଗ୍ରସ୍ତ ଚାଷୀମାନେ ଉପଯୁକ୍ତ କ୍ଷତିପୂରଣ ଦାବୀକରି ଦୀର୍ଘ ୮ ମାସ ହେବ ଆନ୍ଦୋଳନ କରି ଆସୁଛନ୍ତି । ଏଥିପାଇଁ ଚାଷୀ ଓ ପ୍ରଶାସନ ଆଲୋଚନା ଏକାଧିକ ବାର ବିଫଳ ହୋଇଛି । ତେବେ ଗତ ୪ ତାରିଖ ଦିନ ପୁଲିସ ସହାୟତାରେ ବଳପୂର୍ବକ ପାଇପ ଲାଇନ କାର୍ଯ୍ୟ କରିବାକୁ ମେସିନ ଲଗାଇ କାର୍ଯ୍ୟାଦେଶ ପ୍ରାପ୍ତ ଠିକା ସଂସ୍ଥା ମାଟି ଖୋଳିବାକୁ ଉଦ୍ୟମ କରିଥିବାବେଳେ ଚାଷୀ ମାନଙ୍କ ବିରୋଧ ଯୋଗୁ ଏହା ବନ୍ଦ ରହିଥିଲା । ଦୁଇ ଦିନ ମଧ୍ୟରେ ଏହି ବିବାଦର ସମାଧାନ ହେବାର ଥିଲେ ମଧ୍ୟ ଏହା ନହେବାର ଆଜି କ୍ଷତିଗ୍ରସ୍ତ ଚାଷୀ ପରିବାର ପ୍ରଥମେ ବାଲିତୁଠ ପଂଚାୟତ କାର୍ଯ୍ୟାଳରେ ପହଂଚି ଏଠାରେ କାହିଁକି ଦୀର୍ଘ ୨ ମାସ ହେବ ପୁଲିସ ଫୋର୍ସକୁ ରଖାଯାଇଛି ତାହାର ପ୍ରତିବାଦ କରି ପଂଚାୟତ କାର୍ଯ୍ୟାଳୟକୁ ଘେରାଉ କରିଥଇଲେ । ତୁରନ୍ତ ପୁଲିସ ଫୋର୍ସକୁ ଏଠାରୁ ପ୍ରତ୍ୟାହାର କରିବାକୁ ସ୍ଥାନୀୟ ସରପଂଚଙ୍କ ନିକଟରେ ଦାବୀ କରିଥିଲେ । ପରେ ପାଇପ ଲାଇନ କାର୍ଯ୍ୟ ଆରମ୍ଭ ହେବାକୁ ଥିବା ଗଡ଼କୁଜଙ୍ଗର ଚାଷ ଜମିରେ ଚାଷୀମାନେ ଧାରଣା ଦେଇଥିଲେ । ଚାଷୀମାନଙ୍କର ଦାବି ପୂରଣ ହେବାପର୍ଯ୍ୟନ୍ତ ଚାଲୁ ରହିବ ବୋଲି କ୍ଷତିଗ୍ରସ୍ତ ଚାଷୀ ମାନେ ପ୍ରକାଶ କରିଛନ୍ତି ।

ରଞ୍ଜିତ ପଣ୍ଡା
କୁଜଙ୍ଗ : କୁଜଙ୍ଗବ୍ଳକ ଅନ୍ତର୍ଗତ ବାଗୋଇ ପଂଚାୟତର ପରଲୋକଗତ ସରପଂଚ ଅଧୀର ପ୍ରଧାନଙ୍କର ଏକାଦଶାହ ଦିବସ ଅବସରରେ ଶ୍ରଦ୍ଧାଞ୍ଜଳୀ ସଭା ଅନୁଷ୍ଠିତ ହୋଇ ଯାଇଛି । ପୂର୍ବତନ ସରପଂଚ ବିଜୟ କୁମାର ଖଟେଇଙ୍କ ସଞ୍ଜୋଜନାରେ ଅନୁଷ୍ଠିତ ହୋଇଥିବା ଏହି ସଭାରେ ପୂର୍ବତନ ମନ୍ତ୍ରୀ ଡ଼ାକ୍ତର ଦାମୋଦର ରାଉତ, କଂଗ୍ରେସ ନେତା ଡ଼କ୍ଟର ଲଲାଟେନ୍ଦୁ ମହାପାତ୍ର, ଅରିନ୍ଦମ ସାର୍କେଲ, କୁଜଙ୍ଗ ପଂଚାୟତ ସମିତି ଅଧ୍ୟକ୍ଷ ସ୍ମୃତିରଞ୍ଜନ ବେହେରା ଯୋଗ ଦେଇଥିଲେ । ଅନ୍ୟ ମାନଙ୍କ ମଧ୍ୟରେ କୁଜଙ୍ଗବ୍ଳକ କଂଗ୍ରେସର ଆବାହକ ଏଏନଡ଼ି ଯାଦବ, ଆଇନଜିବୀ ରମେଶଚନ୍ଦ୍ର ଦାସ, ପ୍ରଶାନ୍ତ ପଟ୍ଟନାୟକ, କୁଜଙ୍ଗ ସରପଂଚ ଭାରତଭୂଷଣ ନାୟକ, ଜିଲ୍ଲାନାସୀ ସରପଂଚ ପ୍ରମୋଦ ସ୍ୱାଇଁ, ସାଇଲୋ ସରପଂଚ ରୋଜାଲିନ ମହାପାତ୍ର, ହଂସୁରା ସରପଂଚ ସ୍ମୃତିରେଖା ସ୍ୱାଇଁ, ପୋତାନଇ ସରପଂଚ ସଞ୍ଜୟ ଷଡ଼ଙ୍ଗୀ, ମଙ୍ଗରାଜପୁର ସରପଂଚଙ୍କ ପ୍ରତିନିଧ ବିପିନ କୁମାର ତ୍ରିପାଠୀ, ପାଟପୁର ସରପଂଚ ଲକ୍ଷ୍ମୀକାନ୍ତ ସ୍ୱାଇଁ, ପାରାଦୀପଗଡ଼ ସରପଂଚ ମିହିର ରଞ୍ଜନ ସାହୁ, ବିଧାୟକଙ୍କ ପ୍ରତିନିଧି ନୀରଞ୍ଜନ ପ୍ରଧାନ ପ୍ରମୁଖ ସ୍ୱର୍ଗତ ଅଧୀର ପ୍ରଧାନଙ୍କର ସ୍ମୃତିଚାରଣ କରିଥିଲେ ।