ସମୀକ୍ଷା ବ୍ୟୁରୋ
କୁଜଙ୍ଗ,22/12 : ଶନିବାର କୁଜଙ୍ଗର ବାଲିତୁଠ ପ୍ରାଇମେରୀ ସ୍କୁଲରେ ଛାତ୍ରୀଙ୍କୁ ମାଡମରା ଘଟଣାରେ ଶିକ୍ଷୟତ୍ରୀଙ୍କ ଜାମିନ ନାମଞ୍ଜୁର ହୋଇଛି। ଆଜି ପୀଡିତାଙ୍କ ପିତାଙ୍କ ଅଭିଯୋଗ ପରେ ପୋଲିସ୍ ପକ୍ଷରୁ ତଦନ୍ତ କରାଯିବା ସହିତ ଶିକ୍ଷୟତ୍ରୀଙ୍କୁ ଗିରଫ କରାଯାଇଥିଲା। ଗିରଫ ହେବା ପରେ ଶିକ୍ଷୟତ୍ରୀଙ୍କୁ କୁଜଙ୍ଗ ଅତିରିକ୍ତ ଦୌରାଜଜ୍ଙ୍କ କୋର୍ଟରେ ହାଜର କରାଯାଇଥିଲା। କୋର୍ଟରେ ଜାମିନ ନାମଞ୍ଜୁର ହେବା ପରେ ଶିକ୍ଷୟତ୍ରୀଙ୍କୁ ସମାଗୋଳ ଜେଲ୍କୁ ପଠାଯାଇଛି।
ଉଲ୍ଲେଖଯୋଗ୍ୟ ଯେ, ଚତୁର୍ଥ ଶ୍ରେଣୀ ଛାତ୍ରୀ ବର୍ଷା ସ୍ବାଇଁଙ୍କୁ ଶିକ୍ଷୟତ୍ରୀ ଲିନା ନନ୍ଦ ମାଡ ମାରି ଲହୁଲୁହାଣ କରିଥିଲେ। ଏ ନେଇ ଆଜି କୁଜଙ୍ଗ ଥାନାରେ ଛାତ୍ରୀଙ୍କ ବାପା ଏକ ମାମଲା ରୁଜୁ କରିଥିଲେ। କୁଜଙ୍ଗ ଥାନାଧିକାରୀ ଦିଲ୍ଲୀପ କୁମାର ସାହୁ କେସ୍ ନଂ ୨୯୧/୧୯ ଦାୟର କରି ମାମଲାର ତଦନ୍ତ କରିଥିଲେ। ଆଇପିସିର ୭୫ ଜେଜେ ଆକ୍ଟ ଅନୁଯାୟୀ ଦଫା ୩୪୧, ୩୨୩ ଏବଂ ୩୦୭ ଲାଗୁ କରି ଶିକ୍ଷୟିତ୍ରୀଙ୍କୁ ଗିରଫ କରି କୋର୍ଟଚାଲାଣ କରାଯାଇଥିଲା।
Tags: kujang
