ସମୀକ୍ଷା ବ୍ୟୁରୋ
କୁଜଙ୍ଗ,୩/୧: କୁଜଙ୍ଗ ବ୍ଳକ ଅନ୍ତର୍ଗତ ମଙ୍ଗରାଜପୁର ଷ୍ଟାଡିୟମରେ ୨୪ ତମ ନେତାଜୀ କପ ଫୁଟବଲ ଟୁର୍ଣ୍ଣାମେଣ୍ଟର ଆଜି ଦୁଇଟି ସେମିଫାଇନାଲ ମ୍ୟାଚ୍ ଖେଳାଯାଇଥିଲା। ଏହି ମ୍ୟାଚ୍ରେ ବିଜୟୀ ହୋଇ ଧର୍ମଶାଳା ଏବଂ ନିମେଇଶାପୁର ଫାଇନାଲରେ ପହଂଚିଛନ୍ତି। ପ୍ରଥମ ସେମିଫାଇନାଲ ମ୍ୟାଚ ଅଲଷ୍ଟାର ଫୁଟବଲ କ୍ଳବ କଟକ ଏବଂ ନିମେଇଶାପୁର କଟକ ମଧ୍ୟରେ ଅନୁଷ୍ଠିତ ହୋଇଥିଲା। ନିମେଇଶପୁର ଦଳ ଅଲଷ୍ଟାର ଫୁଟବଲ କ୍ଳବକୁ ୪-୧ ଗୋଲ ବ୍ୟବଧାନରେ ହରାଇ ଫାଇନାଲରେ ପ୍ରବେଶ କରିଥିଲା। ସେହିପରିଭାବେ ଧର୍ମଶାଳା ଏବଂ ପାରାଦୀପ ମଧରେ ଅନୁଷ୍ଠିତ ହୋଇଥିବା ଦ୍ୱିତୀୟ ସେମିଫାଇନାଲ ମ୍ୟାଚରେ ଧର୍ମଶାଳା ଦଳ ପାରାଦୀପକୁ ୩-୧ ଗୋଲ ବ୍ୟବଧାନରେ ହରାଇ ଫାଇନାଲରେ ପ୍ରବେଶ କରିଥିଲା।
ଏହି କ୍ରୀଡ଼ା ଉତ୍ସବରେ ଅତିଥି ଭାବେ କଂଗ୍ରେସ ନେତା ଅରିନ୍ଦମ ସାର୍ଖେଲ ଯୋଗଦେଇ ଏହି ଷ୍ଟାଡ଼ିୟମର ବିକାଶ ତଥା କ୍ରୀଡ଼ାର ବିକାଶ ପାଇଁ ଆଗାମୀ ଦିନରେ ସହଯୋଗର ହାତ ବଢାଇବାକୁ ପ୍ରତିଶୃତି ପ୍ରଦାନ କରିଥିଲେ। ଅନ୍ୟମାନଙ୍କ ମଧ୍ୟରେ ଡ଼ାକ୍ତର ରଞ୍ଜନ କୁମାର ସାମଲ, ସ୍ଥାନୀୟ ସରପଞ୍ଚ ପୂର୍ଣ୍ଣିମା ତ୍ରିପାଠୀ, ଏଏନଡ଼ି ଯାଦବ, ରମେଶ ଚନ୍ଦ୍ର ଦାସ, ମାୟଧର ଦାସ, କୁଳମଣୀ ତରାଇ, ରଞ୍ଜିତ କୁମାର ଦାସମହାପାତ୍ର ପ୍ରମୁଖ ଯୋଗଦେଇଥିଲେ। ଆଜି ଧର୍ମଶାଳା ଏବଂ ନିମେଇଶାପୁର କଟକ ମଧ୍ୟରେ ଫାଇନାଲ୍ ମ୍ୟାଚ୍ ଅନୁଷ୍ଠିତ ହେବ। କାର୍ଯ୍ୟକ୍ରମକୁ ଆସୋସିଏସନର ସଭାପତି ପ୍ରଦୀପ୍ତ କୁମାର ଦାସମହାପାତ୍ର, ସମ୍ପାଦକ ଦୁଷ୍ମନ୍ତ ମାଝୀ ପରିଚାଳନା କରିଥିବାବେଳେ ଉପସଭାପତି ମାନସ କୁମାର ତରାଇ, କୋଷାଧ୍ୟକ୍ଷ ବିନ୍ଦୁସାଗର ତରାଇ, ଗ୍ୟାନଦା ପ୍ରସାଦ ତରାଇ, ତପନ କୁମାର ତରାଇ, ସୁଶାନ୍ତ କୁମାର ବେହେରା, ସୋମନାଥ ପାଣି, ପ୍ରଶାନ୍ତ କୁମାର ତରାଇ, ଜଟାଧାରୀ ଦାସ, ସୁଦର୍ଶନ ତରାଇ, ନୃସିଂହ ସ୍ୱାଇଁ, ରିଙ୍କୁ ସ୍ୱାଇଁ, ଚନ୍ଦନ ସାମଲ, କୃଷ୍ଣଚନ୍ଦ୍ର ବାରିକ, ନିଧି ଦାସ, ରିମି ଦାସ, ଜିତିନ ସେଠୀ, ଜୁଳୀ ସେଠୀ ପ୍ରମୁଖ ପ୍ରତିଯୋଗିତାର ପରିଚାଳନା କରିଥିଲେ।