ସୀତାରାମ ଅଗ୍ରଓ୍ବାଲ
ବାଣପୁର : ବାଣପୁର ଭଗବତୀ ବିହାର ସ୍ଥିତ ସରସ୍ବତୀ ଶିଶୁ ବିଦ୍ୟା ମନ୍ଦିର ଠାରେ ରାଷ୍ଟ୍ରୀୟ ସ୍ୱୟଂସେବକ ସଙ୍ଘ (ଆରଏସ୍ଏସ୍) ପକ୍ଷରୁ ବାଣପୁର ଖଣ୍ଡ ସମିଳନୀ ଅନୁଷ୍ଠିତ ହୋଇଯାଇଛି l ଉକ୍ତ ସମ୍ମିଳନୀରେ ବହୁତ ପୁରାତନ ଓ ନୂତନ ସ୍ୱୟଂସେବକମାନେ ଯୋଗ ଦେଇ ସୂର୍ଯ୍ୟ ନମସ୍କାର, ଆସନ ଓ ଦଣ୍ଡ ପ୍ରୟୋଗ ଆଦି ପ୍ରଦର୍ଶନ କରିଥିଲେ l ଉକ୍ତ କାଯ୍ୟକ୍ରମ ରେ ସମ୍ମାନିତ ଅତିଥି ରୂପେ ଅବସର ପ୍ରାପ୍ତ ପ୍ରଧାନ ଶିକ୍ଷକ ଆନନ୍ଦ ସେନାପତି ଯୋଗଦେଇଥିବା ବେଳେ ମୁଖ୍ୟ ବକ୍ତା ରୂପେ ସଙ୍ଘର ବରିଷ୍ଠ ସ୍ୱୟଂସେବକ ସୁକାନ୍ତି ବେହେରା ବୌଦ୍ଧିକ ଜ୍ଞାନ ପ୍ରଦାନ କରିଥିଲେ | ଏହା ପରେ ସ୍ୱୟଂସେବକ ବିବେକାନନ୍ଦ ଭାଇ ସଙ୍ଗୀତ ଗାନ କରିଥିଲେ l ଉକ୍ତ ସମ୍ମିଳନୀରେ ଖୋର୍ଦ୍ଧା ଜିଲ୍ଲା ସଂଘ ପ୍ରଚାରକ କେଦାର ନାଥ ପାତ୍ର ଉପସ୍ଥିତ ରହି ଆଗାମୀ ଦିନରେ ବାଣପୁର ଖଣ୍ଡରେ ସଂଘର ବିସ୍ତାର ଓ ଆଗାମୀ କାର୍ଯ୍ୟକ୍ରମ ଉପରେ ବିସ୍ତୃତ ଭାବେ ଆଲୋଚନା କରିଥିଲେ l ଏହି ଆଲୋଚନା ଚକ୍ରରେ ବାଣପୁର ମଣ୍ଡଳ କାର୍ଯ୍ୟବାହ ସୁରଜ ପାତ୍ର, ମଣ୍ଡଳ ଶାରୀରିକ ପ୍ରମୁଖ ଅକ୍ଷୟ ପାତ୍ର, ମଣ୍ଡଳ ମୁଖ୍ୟ ଶିକ୍ଷକ ହିମାଂଶୁ ଦାସ, ମଣ୍ଡଳ ସାପ୍ତାହିକ ମିଳନ ପ୍ରମୁଖ ଗଣେଶ ବେହେରା ଓ ବହୁ ସ୍ୱୟଂସେବକ ଭାଗ ନେଇଥିଲେ । ବରିଷ୍ଠ ସ୍ୱୟଂସେବକ ସୁଧୀର ପାତ୍ର, ମଣ୍ଡଳ ପ୍ରମୁଖ କୈଳାସ ଖୁଣ୍ଟିଆ, ସାଗର ଭାରତୀ ଜିଲ୍ଲା ସଂଯୋଜକ ଅନନ୍ତ ପ୍ରସାଦ ସେଠି, ବିଦ୍ୟାର୍ଥୀ ପରିଷଦ ନଗର ସମ୍ପାଦକ ବିକାଶ ସେଠି ପ୍ରମୁଖ ଏହି କାର୍ଯ୍ୟକ୍ରମକୁ ସୁଚାରୁରୂପେ ସମ୍ପାଦନ କରିଥିଲେ ।
