ସୀତାରାମ ଅଗ୍ରଓ୍ବାଲ
ବାଣପୁର : ବିଗତ ଦୁଇ ଦିନ ହେବ ଯୁକ୍ତ ୨ ପରୀକ୍ଷା ଆରମ୍ଭ ହୋଇଯାଇଛି। ଗତକାଲି ବିଜ୍ଞାନ ବିଭାଗ ର ପରୀକ୍ଷା ଆରମ୍ଭ ହୋଇଥିବାସ୍ଥଳେ ଆଜି କଳା ଓ ବାଣିଜ୍ୟ ବିଭାଗର ପରୀକ୍ଷା ଆରମ୍ଭ ହୋଇଯାଇଛି । ଏହି ସମୟରେ ବାଣପୁର-ବାଲୁଗାଁ ଅଞ୍ଚଳର ପ୍ରତ୍ୟେକ କଲେଜ ସମ୍ମୁଖରେ ଗତ ଦୁଇଦିନ ହେଲା ଏକ ନିଆରା ଦୃଶ୍ୟ ଦେଖିବାକୁ ମିଳୁଛି । ସୂଚନା ଅନୁଯାୟୀ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ(ଏବିଭିପି) ବାଣପୁର-ବାଲୁଗାଁ ନଗର ଶାଖା ଦ୍ୱାରା ଏହା ଅଧୀନରେ ଥିବା ସମସ୍ତ ୭ ଗୋଟି ଯୁକ୍ତ ଦୁଇ ଜୁନିଅର ମହାବିଦ୍ୟାଳୟ ଯଥା ଗୋଦାବରୀଶ ଜୁନିଅର ମହାବିଦ୍ୟାଳୟ, ବାଣପୁର, ବାଲୁଗାଁ ଜୁନିଅର କଲେଜ, ବାଲୁଗାଁ, ନାଚୁଣୀ ଜୁନିଅର ମହାବିଦ୍ୟାଳୟ, ନାଚୁଣୀ, ଗ୍ରାମୀଣ ମହିଳା ମହାବିଦ୍ୟାଳୟ, ବାଣପୁର, ପର୍ଶୁରାମ ଜୁନିଅର କଲେଜ, ଗମ୍ଭାରୀମୁଣ୍ଡା, ପି.ବି.ବି ଜୁନିଅର କଲେଜ, ଆଙ୍କୁଲା ଓ କାଳିଜାଇ ଜୁନିଅର କଲେଜ, ବାଲୁଗାଁ ରେ ପରୀକ୍ଷାର୍ଥୀ ମାନଙ୍କୁ ଅଭିନବ ଉପାୟରେ ଶୁଭକାମନା ଜ୍ଞାପନ କରାଯାଇଥିଲା ।
ପ୍ରତ୍ୟେକ କଲେଜର ମୁଖ୍ୟ ପ୍ରବେଶ ପଥ ସମ୍ମୁଖରେ ବିଦ୍ୟାର୍ଥୀ ପରିଷଦର କାର୍ଯ୍ୟକର୍ତା ମାନେ ଉପସ୍ଥିତ ରହି କୁ ପ୍ରବେଶ କରୁଥିବା ପରୀକ୍ଷାର୍ଥୀମାନଙ୍କ ମଥାରେ ପୁଷ୍ପ, ଚନ୍ଦନ ଓ ଚାଉଳ ଲଗାଇ ପରୀକ୍ଷା ପାଇଁ ଶୁଭେଚ୍ଛା ଜଣାଇଥିଲେ । କେତେ ଗୋଟି କଲେଜ ସମ୍ମୁଖରେ ଏବିଭିପି ଦ୍ୱାରା ରଖାଯାଇଥିବା ସ୍ୱାମୀ ବିବେକାନନ୍ଦ ଓ ବିଦ୍ୟାଦାୟିନୀ ମା ସରସ୍ବତୀଙ୍କ ଫଟୋକୁ ପରୀକ୍ଷାର୍ଥୀ ମାନେ ପୂଜାର୍ଚ୍ଚନା କରି କ୍ୟାମ୍ପସ ଭିତରକୁ ପ୍ରବେଶ କରୁଥିବା ପରିଲକ୍ଷିତ କରାଯାଇଥିଲା। ବିଦ୍ୟାର୍ଥୀ ପରିଷଦ ପ୍ରତିବର୍ଷ ଏପରି ଶୁଭକାମନା କାର୍ଯ୍ୟକ୍ରମ କରୁଅଛି ବୋଲି ନଗର ସମ୍ପାଦକ ବିକାଶ ସେଠି, ସହ ସମ୍ପାଦକ ବିବେକାନନ୍ଦ ଗଡ଼ନାୟକ ଓ ବିପ୍ଳବ ଗୁରୁ ମତପ୍ରକାଶ କରିଥିଲେ। ଆଗାମୀ ଦିନରେ ମଧ୍ୟ ଏବିଭିପି ଦ୍ୱାରାଏହିପରି କାର୍ଯ୍ୟକ୍ରମ ଜାରିରହିବ ବୋଲି ନଗର ସହ ସମ୍ପାଦିକା ସଂଗୀତା ସ୍ୱାଇଁ ଓ ବର୍ଷାରାଣୀ ପ୍ରଧାନ ମତ ପ୍ରକାଶ କରିଥିଲେ। ଏହି କାର୍ଯ୍ୟକ୍ରମକୁ ଅଜୟ, ସିଦ୍ଧାର୍ଥ, ସୁଜିତ, ଗୁରୁ, ଦିପୁ, ସୋମନାଥ, ବଳରାମ, ସୁଜିତ, ଦୀପକ, ପୁଲକ, ଜିତୁ, ବିରେନ ଓ ବହୁ କାର୍ଯ୍ୟକର୍ତ୍ତାମାନେ ପରିଚାଳନା କରିଥିଲେ ।