କନ୍ଦର୍ପ ବେହେରା
ରେଢାଖୋଲ : ସରକାର କରୋନା ଯୋଗୁଁ କୌଣସି ସରକାରୀ ବା ବେସରକାରୀ ବ୍ୟାଙ୍କ ଲୋନ୍ ଅସୁଲି ପାଇଁ ଚାପ ପକାଇ ପାରିବେ ନାହିଁ ବୋଲି ଘୋଷଣା କରିଛନ୍ତି । ସରକାରଙ୍କ ନୀତିନିୟମକୁ ବେଖାତିର ଭାବି ରେଢାଖୋଲରେ କିଛି ବେସରକାରୀ ସଂସ୍ଥା ମହିଳା ଗ୍ରୁପ୍ ମାନଙ୍କୁ ଧମକଚମକ ଦେଇ ଲୋନ୍ ଅସୁଲି କରୁଥିବା ଅଭିଯୋଗ ହୋଇଛି । ଏନେଇ ଏସ୍ଏଚ୍ଜି ମାନଙ୍କ ପକ୍ଷରୁ ଆଜି ରେଢାଖୋଲ ଉପଜିଲ୍ଲାପାଳଙ୍କ ନିକଟରେ ଅଭିଯୋଗ କରାଯାଇଛି ।
ପ୍ରକାଶ ଯେ ,ରେଢାଖୋଲ ଏନ୍ଏସିରେ ଥିବା ବହୁ ମହିଳା ଏସଏଚ୍ଜି ମା ମାନେ ବିଭିନ୍ନ ବେସରକାରୀ ସଂସ୍ଥା ଠାରୁ ଲୋନ୍ ଆଣିଛନ୍ତି । ବର୍ତମାନ ସାରା ଦେଶରେ କରୋନା ଯୋଗୁଁ ଲକ୍ ଡାଉନ୍ରେ ମହିଳା ଗ୍ରୁପ୍ମାନେ ଦୁର୍ଦ୍ଦିନରେ ଦିନ କାଟୁଛନ୍ତି ଏବଂ ଦୀର୍ଘ ଦୁଇମାସ ହେଲା କୌଣସି ରୋଜଗାର କରିନାହାନ୍ତି । ଏଭଳି ପରିସ୍ଥିତିରେ ବେସରକାରୀ ସଂସ୍ଥାମାନେ ଲୋନ୍ ଅସୁଲିପାଇଁ ଜୋରଜବରଦସ୍ତ କରୁଛନ୍ତି ଏବଂ ଲୋନ୍ ନ ଦେଲେ ଦୃଢ କାର୍ଯ୍ୟନୁଷ୍ଠାନ ନେବାକୁ ଧମକ ମଧ୍ୟ ଦେଉଥିବା ଅଭିଯୋଗ ହେଉଛି । ଆଜି ରେଢାଖୋଲ ଉପଜିଲ୍ଲାପାଳ ଡୋଳାମଣୀ ପଟେଲଙ୍କୁ ଭେଟି ମହିଳାମାନେ ଦାବିପତ୍ର ପ୍ରଦାନ କରିଛନ୍ତି । ସାଂସଦ ପ୍ରତିନିଧି ଶିବରାମ ସାହୁଙ୍କ ନେତୃତ୍ୱରେ ସରୋଜିନୀ ସାହୁ , ଚନ୍ଦ୍ରକାନ୍ତୀ ସାହୁ , ରଶ୍ମିତା ବେହେରା, ଲାବଣ୍ୟ ବେହେରା , ରଶ୍ମିତା ନାୟକ, ସରୋଜିନୀ ମୁଣ୍ଡା ଆଦି ବହୁ ଗ୍ରୁପ୍ରମହିଳା ମାନଙ୍କ ଦସ୍ତଖତ ସମ୍ବଳିତ ଦାବିପତ୍ର ଉପଜିଲ୍ଲାପାଳଙ୍କୁ ପ୍ରଦାନ କରାଯାଇଛି ।
