ରମେଶ ମହାନ୍ତି
ଜଗତସିଂହପୁର: ଦୃତ ବେଗରେ ସଂକ୍ରମଣ ହେଉଥିବା କରୋନା ମହାମାରୀକୁ ଦୃଷ୍ଟିରେ ରଖି ସପ୍ତାହର ଶନିବାର ଓ ରବିବାର ୨ଦିନ ସରକାରଙ୍କ ପକ୍ଷରୁ ସଟଡାଉନ୍ କଟକଣା ଘୋଷଣା ହୋଇଥିବା ବେଳେ ତିର୍ତ୍ତୋଲ ବ୍ଲକ୍ ଅଞ୍ଚଳରେ ଏହି କଟକଣାକୁ ବେଖାତିର କରାଯାଉଥିବା ଦେଖିବାକୁ ମିଳିଛି। ସଟଡାଉନରେ ଚାଲିଛି ପୋଖରୀ ଖୋଳା କାର୍ଯ୍ୟ। ଜବ୍ କାର୍ଡ ଧାରୀଙ୍କ ବଦଳରେ ଜେସିବିରେ ଖୋଳା ହେଉଛି ପୋଖରୀ।
ସୂଚନାନୁଯାୟୀ ସରକାରଙ୍କ ପକ୍ଷରୁ ସଟଡାଉନ୍ କଟକଣା ଜାରୀ ହୋଇଥିଲେ ମଧ୍ୟ ଏହାକୁ ବେଖାତିର କରି ଆଜି (ରବିବାର) ସକାଳୁ ତିର୍ତ୍ତୋଲ ବ୍ଲକ୍ ଅନ୍ତର୍ଗତ ପିପ୍ପଳମାଧବ ପଞ୍ଚାୟତର (ଅପରା) ପଞ୍ଚାୟତ ପୋଖରୀକୁ ଜବ୍ କାର୍ଡଧାରୀଙ୍କ ବଦଳରେ ଜେସିବି ଦ୍ୱାରା ଖୋଳା ହେଉଥିବା ଦେଖିବାକୁ ମିଳିଛି। ଉକ୍ତ ଗ୍ରାମର କିଛି ବ୍ୟକ୍ତି ସଟଡାଉନରେ ଏହି ପୋଖରୀ ଖନନ କାର୍ଯ୍ୟକୁ ଦେଖି ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀଙ୍କୁ ଫୋନ୍ ଯୋଗେ ଯୋଗାଯୋଗ କରିବାରୁ ମୁଁ ପୋଖରୀ ଖନନ ବିଷୟରେ କିଛି ଜାଣିନାହିଁ ସରପଞ୍ଚଙ୍କ ସହିତ ଯୋଗାଯୋଗ କର ବୋଲି ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ ପ୍ରକାଶ କରିଥିଲେ ବୋଲି ଉକ୍ତ ଗ୍ରାମର ଜନୈକ ବ୍ୟକ୍ତି ନାମ ଗୋପନରଖି ପ୍ରକାଶ କରିଛନ୍ତି। ପରେ ଏହି ଘଟଣା ବାବଦରେ ଗଣମାଧ୍ୟମ ପ୍ରତିନିଧିଙ୍କ ପକ୍ଷରୁ ଉକ୍ତ ପଞ୍ଚାୟତର କାର୍ଯ୍ୟନିର୍ବାହୀ ଅଧିକାରୀଙ୍କୁ ଫୋନ୍ ରେ ଯୋଗାଯୋଗ କରିବାରୁ ଆଜି ଜେସିବିରେ ପୋଖରୀ ଖନନ ହେଉଛି କି ନାହିଁ ମୁଁ ଜାଣିନାହିଁ କିନ୍ତୁ ଏହା ଏନ୍.ଆର୍.ଜି.ଏସ୍ କାମନୁହେଁ ସିଏଫ୍ସି କାମ ମେସିନ୍ ଦ୍ୱାରା କାର୍ଯ୍ୟ ହୋଇପାରିବ ବୋଲି ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ ପ୍ରକାଶ କରିଥିଲେ।
ଏଠି ପ୍ରଶ୍ନ ଉଠୁଛି ଯଦି ଏହା ସିଏଫ୍ସି କାମ ତେବେ ଆଜି ସଟ୍ ଡାଉନ୍ କଟକଣା ସତ୍ତ୍ୱେ କିପରି ଜେସିବି ଦ୍ୱାରା ପୋଖରୀ ଖନନ କାର୍ଯ୍ୟ ହେଉଛି। ଅପରପକ୍ଷରେ ଶୁଣିବାକୁ ମିଳୁଛି ଏହା ଏନ୍.ଆର୍.ଜି.ଏସ୍ କାର୍ଯ୍ୟ ସଟ୍ ଡାଉନ୍ କଟକଣା ସତ୍ତ୍ୱେ ଦିନଦ୍ୱିପହରରେ ଜେସିବି ଦ୍ୱାରା ପୋଖରୀ ଖୋଳା କାର୍ଯ୍ୟ ହେଉଥିବାରୁ ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ ଏହାକୁ ଘଣ୍ଟ ଘୋଡାଇବାକୁ ଚେଷ୍ଟା କରୁନାହାଁନ୍ତି ତ ? ଏପରିକି ଉକ୍ତ ପଞ୍ଚାୟତର ଜନୈକ କୁଜିନେତାଙ୍କ ଚାପରେ ସରକାରଙ୍କ ନିୟମକୁ ଜଳାଞ୍ଜଳି ଦେଇ ଉକ୍ତ କାର୍ଯ୍ୟକୁ କାର୍ଯ୍ୟନିର୍ବାହୀ ଅଧିକାରୀ ଘଣ୍ଟ ଘୋଡାଇବାକୁ ଚେଷ୍ଟା କରୁଛନ୍ତି ବୋଲି ଶୁଣିବାକୁ ମିଳୁଛି।ତିର୍ତ୍ତୋଲ ବ୍ଲକ୍ ପ୍ରଶାସନ ଓ ଜିଲ୍ଲା ପ୍ରଶାସନ ପକ୍ଷରୁ ଉକ୍ତ ଘଟଣାର ତଦନ୍ତ କରାଯିବାକୁ ସ୍ଥାନୀୟ ବାସିନ୍ଦାଙ୍କ ପକ୍ଷରୁ ଦାବୀ ହେଉଛି।