ଫିଲ୍ମି ଫ୍ରାଇଡେରେ ପରଦାକୁ ଆସିଛି ଦୁଇଟି ବଲିଉଡ୍ ଫିଲ୍ମ । ଗୋଟିଏ ହେଉଛି ସଲମାନ୍ ଖାନ୍ ପ୍ରଡକ୍ସନ ହାଉସ୍ ଦ୍ୱାର ନିର୍ମିତ ରୋମାଣ୍ଟିକ୍ ଫିଲ୍ମ ‘ନୋଟ୍ବୁକ୍’ ଓ ଅନ୍ୟଟି ହେଉଛି ଆକ୍ସନ୍ ଥ୍ରୀଲର୍ ‘ଜଙ୍ଗଲ୍’। ‘ନୋଟ୍ବୁକ୍’ ଜରିଆରେ ବଲିଉଡ୍ରେ ଡେବ୍ୟୁ କରିବାକୁ ଯାଉଛନ୍ତି ଅଭିନେତ୍ରୀ ନୂତନଙ୍କ ନାତୁଣୀ ପ୍ରନୂତନ ବହଲ୍ ଓ ଜାହିର୍ ଇକବାଲ୍। ଏହି ଫିଲ୍ମରେ କାଶ୍ମୀର ଉପତ୍ୟାକାର କାହାଣୀ ସହ ରୋମାଣ୍ଟିକ୍ ପ୍ରେମ କାହାଣୀକୁ ମଧ୍ୟ ଦେଖିବାକୁ ମିଳିବ। ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି ନିତୀନ କକ୍କର୍। ଏହା ହେଉଛି ଚଳିତ ବର୍ଷର ସଲମାନ୍ ଖାନ୍ ପ୍ରଡକ୍ସନ୍ର ପ୍ରଥମ ସିନେମା। ତେଣୁ ଏହି ଫିଲ୍ମକୁ ନେଇ ଖୁବ୍ ଉତ୍ସାହିତ ଅଛନ୍ତି ସଲମାନ୍ ଖାନ୍ । ଏହି ଫିଲ୍ମରେ ସଲମାନ୍ ଗୋଟିଏ ଗୀତର ଭଏସ୍ ଦେବା ସହ ତାଙ୍କର ଭିଡ଼ିଓ ମଧ୍ୟ ରହିଛି । ସେହିପରି ‘ଜଙ୍ଗଲୀ’ ଫିଲ୍ମରେ ହାତୀ ଓ ମଣିଷର ବନ୍ଧୁତ୍ବକୁ ଦର୍ଶାଯାଇଛି । ଫିଲ୍ମର ଲିଡ୍ରେ ଅଛନ୍ତି ‘କମାଣ୍ଡୋ’ ଫେମ୍ ବିଦ୍ୟୁତ୍ ଜାମ୍ବାଲ୍। ଏହି ଆକ୍ସନ ଫିଲ୍ମକୁ ନିର୍ଦ୍ଦେଶନା ଦେଇଛନ୍ତି ଆମେରିକୀୟ ଫିଲ୍ମ ଡାଇରେକ୍ଟର ଚକ୍ ରସେଲ୍ । ବିଦ୍ୟୁତଙ୍କ ବ୍ୟତୀତ ଏହି ଫିଲ୍ମରେ ପୂଜା ସାଓ୍ବନ୍ତ ଓ ଆଶା ଭଟ୍ଟ ପ୍ରମୁଖ ଅଭିନୟ କରିଛନ୍ତି । ତେବେ ଏହି ଦୁଇଟି ଫିଲ୍ମ ମଧ୍ୟରୁ ବାଜି କିଏ ମାରୁଛି ତାହା ଆଗାମୀ ସମୟ କହିବ।
