ମୁମ୍ବାଇ : ଦେଶରେ କରୋନାର ନୂଆ ଷ୍ଟ୍ରେନ ଚିହ୍ନଟ ହେବା ପରେ ଚିନ୍ତା ବଢିଛି । ଏହାକୁ ଦୃଷ୍ଟିରେ ରଖି ମହାରାଷ୍ଟ୍ର ସରକାର ଲକ୍ଡାଉନ୍ର ଅବଧିକୁ ଜାନୁଆରୀ 31 ପର୍ଯ୍ୟନ୍ତ ବୃଦ୍ଧି କରିଛନ୍ତି । ସେହିପରି ନୂଆ ବର୍ଷ ଥିବାରୁ ଘର ବାହାରେ ପାଳନ ନ କରି ଘରେ ରହି ପାଳନ କରିବାକୁ ସରକାର ଅପିଲ୍ କରିଛନ୍ତି । ସରକାରଙ୍କ ପକ୍ଷରୁ ଏନେଇ ମାର୍ଗଦର୍ଶିକା ମଧ୍ୟ ଜାରି କରାଯାଇଛି। ଜାରି ହୋଇଥିବା ଏହି ମାର୍ଗଦର୍ଶିକାରେ ନୂଆ ବର୍ଷର ସ୍ବାଗତ ପାଇଁ ମରିନ୍ ଡ୍ରାଇଭ୍, ଗେଟ୍ ଓ୍ବେ ଅଫ୍ ଇଣ୍ଡିଆ, ଜୁହୁଠାରେ ଗହଳି ନ କରିବାକୁ ପରାମର୍ଶ ଦିଆଯାଇଛି ।
ସେହିପରି ଦଶ ବର୍ଷରୁ ସାନ ପିଲା ଓ 60ବର୍ଷରୁ ଅଧିକ ବୟସ୍କଙ୍କୁ ଘରେ ରହିବାକୁ ପରାମର୍ଶ ଦିଆଯାଇଛି । ସେହିପରି ସାର୍ବଜନିକ ସ୍ଥାନରେ ସାମାଜିକ ଦୂରତା, ମାସ୍କ ଓ ସାନିଟାଇଜର୍କୁ ବାଧ୍ୟତାମୂଳକ କରାଯାଇଛି । ସେହିପରି ନୂଆବର୍ଷ ଦିନ ହୋଟେଲ୍, ରେଷ୍ଟୁରାଣ୍ଟ, ପବସ୍ ଆଦି ରାତ୍ରି 11ଟା ପର୍ଯ୍ୟନ୍ତ ଖୋଲିବାକୁ ମଞ୍ଜୁରୀ ଦିଆଯାଇଛି । ରାତ୍ରି 11ଟା ପରେ ହୋଟେଲ, ରେଷ୍ଟୁରାଣ୍ଟ ଆଦି ବନ୍ଦ ରହିବ । କରୋନାକୁ ଦୃଷ୍ଟିରେ ରଖି ମୁମ୍ବାଇରେ ପୂର୍ବରୁ ରାତ୍ରି କର୍ଫ୍ୟୁ ଜାରି ରହିଛି । (ଏଜେନ୍ସି)
