କୋଲକାତା, ଶେଷରେ ବହୁକଷ୍ଟରେ ନନ୍ଦିଗ୍ରାମ ଉପରେ ବିଜୟ ହାସଲ କରିଛନ୍ତି ମମତା ବାନାର୍ଜୀ । କାରଣ ସେହି ଆସନରୁ ଦିଦି ହାରିଯିବେ ବୋଲି ଭୟ ଥିଲା। ହେଲେ ବିଜେପି ପ୍ରାର୍ଥୀ ଶୁଭେନ୍ଦୁ ଅଧିକାରୀଙ୍କୁ ମାତ୍ର ୧୨ଶହ ଭୋଟରେ ପରାସ୍ତ କରିଛନ୍ତି ମମତା । ତେବେ ଆଶ୍ଚର୍ଯ୍ୟ ଭାବେ ଗଣତି ଆରମ୍ଭରୁ ଶୁଭେନ୍ଦୁ ଆଗରେ ଥିଲେ । ହେଲେ ପରବର୍ତ୍ତି ସମୟରେ ମମତା ଆଗେଇ ଗଲେ।
ଏଥର ନିର୍ବାଚନରେ ନନ୍ଦି ଗ୍ରାମ ରାଜନୀତି ଭିନ୍ନ ପ୍ରକାରର ଥିଲା। ନନ୍ଦିଗ୍ରାମରେ ରାଜନୈତିକ ପ୍ରଭାବ ରଖୁଥିବା ଅଧିକାରୀ ପରିବାର ଏଠାରେ ମମତାଙ୍କ ନିକଟତର ଥିଲେ । କିନ୍ତୁ ରାଜନୈତିକ ମତଭେଦ କାରଣରୁ ଶୁଭେନ୍ଦୁ ଟିଏମସି ଛାଡି ଦେଇଥିଲେ । ନିର୍ବାଚନର କେଇଦିନ ଆଗରୁ ସେ ବିଜେପିରେ ଯୋଗ ଦେଇ ଟିକେଟ ହାସଲ କରିଥିଲେ।