ଭୁବନେଶ୍ବର: ପୂର୍ବତଟ ରେଳପଥ ୱାଲ ମାଗାଜିନ ଅତସୀ କୁସୁମର ଦେଶପ୍ରେମ ଉତ୍ସାହ ସଂସ୍କରଣ ଆଜି ପ୍ରକାଶ କରାଯାଇଅଛି। ପୂର୍ବତଟ ରେଳପଥର ଅତିରିକ୍ତ ମହାପ୍ରବନ୍ଧକ ସୁଧୀର କୁମାର ଏହି ସ୍ୱତନ୍ତ୍ର ସଂସ୍କରଣକୁ ରେଳପଥର ବରିଷ୍ଠ ଉପମହାପ୍ରବନ୍ଧକ ତଥା ମୁଖ୍ୟ ସତର୍କତା ଅଧିକାରୀ ସଞ୍ଜୟ ମହାପାତ୍ରଙ୍କ ଉପସ୍ଥିତିରେ ଉନ୍ମୋଚନ କରିଛନ୍ତି। ଯେଉଁଠାରେ ଲେଖକ, କ୍ଷୁଦ୍ର ଗାଳ୍ପିକ ଏବଂ କବିମାନେ ସେମାନଙ୍କ ପ୍ରବନ୍ଧ ଏବଂ କବିତାରେ ନୂତନ ଭାରତ ସମ୍ବନ୍ଧରେ ଉପସ୍ଥାପନ କରିଛନ୍ତି।
ସାହିତ୍ୟ ଏବଂ କଳା କ୍ଷେତ୍ରରେ କର୍ମଚାରୀ ଏବଂ ସେମାନଙ୍କ ପିଲାମାନଙ୍କର ଅନ୍ତର୍ନିହିତ ଗୁଣ ଏବଂ ସୃଜନଶୀଳ ପ୍ରତିଭାକୁ ପ୍ରକାଶ କରିବାକୁ ପୂର୍ବତଟ ରେଳପଥର ୱାଲ୍ ମ୍ୟାଗେଜିନ ଏକ ବିଶେଷ ମାଧ୍ୟମ ପ୍ରଦାନ କରିପାରିଛି। ପୂର୍ବତଟ ରେଳପଥର ମୁଖ୍ୟ ଜନ ସମ୍ପର୍କ ଅଧିକାରୀ କୌଶଳେନ୍ଦ୍ର କିଶୋର ଖାଡ଼ଙ୍ଗା ଏବଂ ବରିଷ୍ଠ ଜନ ସମ୍ପର୍କ ଅଧିକାରୀ ନିରାଜଙ୍କର ଦାସ ଏହି ଅବସରରେ ଉପସ୍ଥିତ ଥିଲେ।
