ନୂଆଦିଲ୍ଲୀ: କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ (ସିବିଏସ୍ଇ) ଦଶମ ଏବଂ ଦ୍ୱାଦଶ ଶ୍ରେଣୀ ପାଇଁ ଟର୍ମ ୨ ବୋର୍ଡ ପରୀକ୍ଷା ପାଇଁ ତାରିଖ ଘୋଷଣା କରିଛି। ସିବିଏସ୍ଇ ଏକ ସୂଚନାରେ କହିଛି ଯେ, ଏହି ପରୀକ୍ଷା ଏପ୍ରିଲ ୨୬ ତାରିକରୁ ଆରମ୍ଭ ହେବ। ଦଶମ ପରୀକ୍ଷା ଜୁନ୍ ୨୪ ତାରିଖରେ ଶେଷ ହେବ ଏବଂ ଦ୍ୱାଦଶ ଶ୍ରେଣୀ ପରୀକ୍ଷା ଜୁନ୍ ୧୫ ତାରିଖରେ ଶେଷ ହେବ।
କରୋନା ମହାମାରୀ ଯୋଗୁଁ ବିଦ୍ୟାଳୟଗୁଡ଼ିକ ବନ୍ଦ ହୋଇଯାଇଥିଲା, ଯାହା ଛାତ୍ରଛାତ୍ରୀଙ୍କ ଅଧ୍ୟୟନକୁ ପ୍ରଭାବିତ କରିଥିଲା। ଏପରି ପରିସ୍ଥିତିରେ, ଉଭୟ ଶ୍ରେଣୀର ପ୍ରାୟ ସମସ୍ତ ବିଷୟ ମଧ୍ୟରେ ସିବିଏସ୍ଇ ଅଧିକ ବ୍ୟବଧାନ ପ୍ରଦାନ କରିଛି। ଏଥିସହ ବୋର୍ଡ ଆହୁରି ମଧ୍ୟ କହିଛି ଯେ, ଯେଉଁଠାରେ ବ୍ୟବଧାନ ଥାଏ, ଏହିପରି ପରୀକ୍ଷାକୁ ପରବର୍ତ୍ତୀ ସମୟରେ ରଖାଯାଇଥାଏ, ଯାହା ଦ୍ଵାରା ଛାତ୍ରଛାତ୍ରୀମାନେ ଏହି ପରୀକ୍ଷା ପାଇଁ ପ୍ରସ୍ତୁତ ହେବା ପାଇଁ ପର୍ଯ୍ୟାପ୍ତ ସମୟ ପାଇପାରିବେ।
ସିବିଏସ୍ଇ ବିବୃତ୍ତିରେ କୁହାଯାଇଛି ଯେ, ସିବିଏସ୍ଇ ଟର୍ମ ୨ ର କାର୍ଯ୍ୟସୂଚୀ ପ୍ରସ୍ତୁତ କରିବାବେଳେ ଜେଇଇ ମେନ୍ ସମେତ ଅନ୍ୟ ପ୍ରତିଯୋଗିତାମୂଳକ ପରୀକ୍ଷାଗୁଡ଼ିକ ଉପରେ ଧ୍ୟାନ ଦିଆଯାଇଛି। ସିବିଏସ୍ଇ ଟର୍ମ ୨ କାର୍ଯ୍ୟସୂଚୀ ମଧ୍ୟ ପ୍ରାୟ ୩୫ ହଜାର ବିଷୟର ମିଶ୍ରଣକୁ ଏଡ଼ାଇ ପ୍ରସ୍ତୁତ କରାଯାଇଛି। ଯାହା ନିଶ୍ଚିତ କରେ ଯେ ଗୋଟିଏ ଦିନରେ ଦୁଇଟି ବିଷୟ ପରୀକ୍ଷା ପାଇଁ କୌଣସି ଛାତ୍ରଛାତ୍ରୀଙ୍କୁ ହାଜର ହେବାକୁ ପଡିବ ନାହିଁ।