ଭୁବନେଶ୍ବର: କ୍ୟାମେରାମ୍ୟାନ ମାନସ ସ୍ବାଇଁ ହତ୍ୟାକାଣ୍ଡର ଗୁମର ଧିରେଧିରେ ଖୋଲିବାରେ ଲାଗିଛି। ଆଜି ଭଦ୍ରକ ପୋଲିସ ରାଜ୍ୟ ସରକାରଙ୍କ ପୂର୍ବତନ ସୂଚନା ଓ ଲୋକ ସଂପର୍କ ନିର୍ଦ୍ଦେଶକ ନିରଂଜନ ସେଠୀ ଗିରଫ ହୋଇଛନ୍ତି। ଏଥିସହିତ ରାଜ କମ୍ୟୁନିକେସନର ମାଲିକ ରଂଜନ ନାୟକ ମଧ୍ୟ ଗିରଫ ହୋଇଛନ୍ତି। ଏ ନେଇ ଭଦ୍ରକ ଅତିରିକ୍ତ ଏସପି ଯତୀନ ପଣ୍ଡା ସ୍ପଷ୍ଟ କରିଛନ୍ତି।
ପୋଲିସ ଅନୁସାରେ ନିରଂଜନ ସେଠୀ, ମାନସଙ୍କୁ ବାରମ୍ବାର ସେହି ଚିପ୍ ଫେରା ବୋଲି ଫୋନ କରିଥିଲେ। ଏପରକି ସେ ଧମକ ଚମକ ମଧ୍ୟ ଦେଇଥିଲେ। ଶେଷ ମାନସର ହତ୍ୟାକାଣ୍ଡରେ ସେ ସଂପୃକ୍ତ ବୋଲି ପୋଲିସ କହିଛି। ହେଲେ ଏହି ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ ତଥା ଏକ ୱେବ ପୋର୍ଟାଲ ମାଲିକାଣୀ ଶର୍ମିଷ୍ଠା ରାଉତ ଫେରାର ଅଛନ୍ତି।