ଭୁବନେଶ୍ବର: ଆସନ୍ତା 13 ତାରିଖରେ ପଡୁଛି ରାଜଧାନୀ ପ୍ରତିଷ୍ଠା ଦିବସ। ଏହି ଭୁବନେଶ୍ବର ଓଡିଶାର ରାଜଧାନୀ ଭାବେ ପ୍ରତିଷ୍ଠା କରାଯାଇଥିଲା। ଏହି ଉତ୍ସବ ମର୍ଯ୍ୟଦାର ସହିତ ପାଳନ କରିବା ପାଇଁ ଆଜି ଏକ ଉଚ୍ଚ ସ୍ତରୀୟ ବୈଠକ ବସିଥିଲା। ଲୋକସେବା ଭବନରେ ଆୟୋଜତ ଏହି ବୈଠକରେ ଉନ୍ନୟନ କମିଶନର ପ୍ରଦୀପ ଜେନା ଅଧ୍ୟକ୍ଷତା କରିଥିଲେ।
ଏଥିରେ ବିଧାନସଭା ସମ୍ମୁଖରେ ଥିବା ପ୍ରତିଷ୍ଠା ଫଳକ ନିକଟରେ ଏହି ଉତ୍ସବ ପାଳନ କରାଯିବ। ସେଦିନ ସକାଳେ ପିଏଜି ଛକଠାରୁ ରବିନ୍ଦ୍ର ମଣ୍ଡପ ପର୍ଯ୍ୟନ୍ତ ପେରଡ କରାଯିବ। ଏହାକୁ ଗ୍ରହଣ କରିବେ ବାଚସ୍ପତି ସୂର୍ଯ୍ୟନାରାୟଣ ପାତ୍ର। ତେ ପୂର୍ବଦିନ ଏ ନେଇ ଏକ ରିହେଲସେଲ କରାଯିବ। ସେଥିପାଇଁ ପୋଲିସ ପ୍ରଶାସନକୁ ନିର୍ଦ୍ଦେଶ ଦିଆଯାଇଛି।
ସେହିପରି ସଂଧ୍ୟାରେ ଉତ୍କଳ ମଣ୍ଡପରେ ସାଂସ୍କୃତିକ କାର୍ଯ୍ୟକ୍ରମର ଆୟୋଜନ କରାଯାଇଛି। ଏହା ରାଜ୍ୟ ସଂସ୍କୃତି ବିଭାଗ ପରିଚାଳନା କରିବ। ସେହିପରି 13 ତାରିଖରୁ 15 ତାରିଖ ପର୍ଯ୍ୟନ୍ତ ସାଂସ୍କୃତିକ କାର୍ଯ୍ୟକ୍ରମ କରାଯିବ ବୋଲି ନିଷ୍ପତି କାରାଯାଇଛି।
ଏହି କାର୍ଯ୍ୟକ୍ରମରେ ସଂପୃକ୍ତ ବିଭାଗ ସହିତ ବିଏମସି ଏବଂ ରାଜଧାନୀ ପ୍ରତିଷ୍ଠା କମିଟକୁ ମଧ୍ୟ ସାମିଲ କରାଯିବ। ଏହି ବୈଠକରେ ସଂସ୍କୃତି ସଚିବ, ସୂଚନା ଓ ଲୋକସଂପର୍କ ସଚିବ, ବିଏମସି କମିଶନର, ଖୋର୍ଦ୍ଧା ଜିଲ୍ଲାପାଳ ପ୍ରମୁୁଖ ଯୋଗ ଦେଇଥିଲେ। ଆସନ୍ତା ବର୍ଷ ରାଜଧାନୀ ପ୍ରତିଷ୍ଠାକୁ 75 ବର୍ଷ ପୁରଣ ହେଉଥିବାରୁ ଏବେଠାରୁ ପ୍ରସ୍ତୁତି କରିବା ପାଇଁ ନିଷ୍ପତି କରାଯାଇଛି।
