ନୂଆଦିଲ୍ଲୀ: କଂଗ୍ରେସର ବରିଷ୍ଠ ନେତା ମଲ୍ଲିକାର୍ଜୁନ ଖଡଗେଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଜେରା କରୁଛି। ନ୍ୟାସନାଲ ହେରାଲ୍ଡ ଦୁର୍ନୀତି ମାମଲାରେ ଖଡଗେଙ୍କୁ ଜେରା କରାଯାଉଛି।
ଉଲ୍ଲେଖ ଯୋଗ୍ୟ ଯେ, ୨୦୧୨ ରେ ବିଜେପି ନେତା ସୁବ୍ରମଣ୍ୟମ ସ୍ଵାମୀ ଟ୍ରାଏଲ କୋର୍ଟରେ ଅଭିଯୋଗ କରିଥିଲେ। ୟଙ୍ଗ ଇଣ୍ଡିଆନ୍ ଲିମିଟେଡ୍ (YIL) ଦ୍ୱାରା ଆସୋସିଏଟେଡ୍ ଜର୍ଣ୍ଣାଲ୍ ଲିମିଟେଡ୍ ଅଧିଗ୍ରହଣରେ କଂଗ୍ରେସର କିଛି ନେତା ଠକେଇ ଏବଂ ବିଶ୍ୱାସଘାତର ଉଲ୍ଲଂଘନ ସହ ଜଡିତ ଥିବା ସେ ଅଭିଯୋଗ କରିଥିଲେ। ନ୍ୟାସନାଲ ହେରାଲ୍ଡ ଖବରକାଗଜ ପୂର୍ବତନ ପ୍ରଧାନମନ୍ତ୍ରୀ ଜବାହରଲାଲ ନେହେରୁଙ୍କ ଦ୍ୱାରା ଆରମ୍ଭ ହୋଇଥିଲା। ଏହି ପ୍ରସଙ୍ଗରେ ସୋନିଆ ଗାନ୍ଧୀ, ମୋତିଲାଲ ଭୋରା, ସୁମନ ଦୁବେ ଏବଂ ସାମ ପିତ୍ରୋଦାଙ୍କ ବିଷୟରେ ସ୍ବାମୀ ଉଲ୍ଲେଖ କରିଥିଲେ।
