ଓଡିଶାର ଲୋକସଭା ଆସନରେ ସର୍ବାଧିକ ଭୋଟରେ ବିଜୟଲାଭ କରିଛନ୍ତି ଆସ୍କା ବିଜେଡି ପ୍ରାର୍ଥୀ ପ୍ରମିଳା ବିଶୋଇ।ପ୍ରଥମ ଥର ସାଂସଦକୁ ନିର୍ବାଚିତ ହୋଇଥିବା ପ୍ରମିଳା ନିଜର ନିକଟତମ ବିଜେପି ପ୍ରତିଦ୍ବନ୍ଦୀ ଅନିତା ଶୁଭଦର୍ଶିନୀଙ୍କୁ ୨ଲକ୍ଷରୁ ଅଧିକ ଭୋଟରେ ପରାସ୍ତ କରିଛନ୍ତି । ପ୍ରମିଳାଙ୍କୁ ୫ ଲକ୍ଷ ୪୧ ହଜାର ୧୯୭ ଭୋଟ ମିଳିଥିଲା । ମିଶନ ଶକ୍ତି ମହିଳା ଭାବେ ପରିଚିତ ପ୍ରମିଳାଙ୍କୁ ନବୀନ ପ୍ରାର୍ଥୀ କରି ଏକ ନୂଆ ଇତିହାସ ସୃଷ୍ଟି କରିଥିଲେ। ଆସ୍କାରୁ ବହୁ ନେତା ବିଜେଡି ଟିକେଟ ପାଇବାକୁ ଆଶା ରଖିଥିଲେ। ହେଲେ ନବୀନ ସମସ୍ତଙ୍କୁ ଚକମା ଦେଖାଇ ପ୍ରମିଳାଙ୍କୁ ଲୋକସଭା ଟିକେଟ ଦେଇଥିଲେ। ସେତିକି ନୁହେଁ ନବୀନ ପ୍ରମିଳାଙ୍କୁ ସାଥିରେ ନେଇ ନିର୍ବାଚନ ପ୍ରଚାର ମଧ୍ୟ କରିଥିଲେ। ମୁଖ୍ୟତଃ ମିଶନ ଶକ୍ତି ମହିଳାଙ୍କୁ ଏକ ବାର୍ତ୍ତା ଦେବା ପାଇଁ ନବୀନ ଏପରି ଷ୍ଟାଟ୍ରେଜି କରି ବେଶ ସଫଳତା ହାସଲ କରିପାରିଛନ୍ତି। ପାଠଶାଠ ପଢି ନ ଥିବା ପ୍ରମିଳା ଓଡିଶା ରାଜନୀତିରେ ଏକ ଉଦାହରଣ ପାଲଟିଯାଇଛନ୍ତି।
