ସୀତାରାମ ଅଗ୍ରୱାଲ
ଚିଲିକା: ଆନ୍ତର୍ଜାତୀୟ ଯୋଗ ଦିବସ ୨୦୨୩ ଅବସରରେ ପର୍ଯ୍ୟଟନ ମନ୍ତ୍ରାଳୟ, ଭାରତ ସରକାର ପକ୍ଷରୁ ଆଜି ଓଡ଼ି ଆର୍ଟ ସେଣ୍ଟର, ବଡ଼କୁଳ, ଚିଲିକା ଠାରେ ଗଣ ଯୋଗ ପ୍ରଦର୍ଶନ କରାଯାଇଥିଲା। ଚଳିତ ବର୍ଷ ଯୋଗ ଦିବସ ପାଳନର ବିଷୟବସ୍ତୁ ହେଉଛି “ୟୋଗା ଫର୍ ବସୁଧୈବ କୁଟୁମ୍ବକମ୍”।
ଏହି ଅବସରରେ ପତଞ୍ଜଳି ଯୋଗ ଗୁରୁ ପ୍ରଶାନ୍ତ କୁମାର ସାହୁ ଯୋଗର ସାଧାରଣ ସତର୍କତା ଓ ଆଦମ କାଇଦା ପ୍ରଦର୍ଶନ କରିଥିଲେ। ଏହି କାର୍ଯ୍ୟକ୍ରମରେ ୟୁବା ଟ୍ୟୁରିଜିମ୍ କ୍ଲବ୍, ସେଂଟ ଜାଭିଅର ହାଇ ସ୍କୁଲ୍, ବାଣପୁର, ଖୋର୍ଦ୍ଧା ଏବଂ ପର୍ଯ୍ୟଟନ ହିତାଧିକାରୀ, ସମ୍ମାନିତ ଓ ଉଚ୍ଚ ପଦସ୍ଥ ବ୍ୟକ୍ତିମାନେ ଅଂଶଗ୍ରହଣ କରିଥିଲେ। ଏହି ଗଣ ଯୋଗ ପ୍ରଦର୍ଶନ ଉତ୍ସବରେ ପ୍ରାୟ ୨୦୦ ଜଣ ବ୍ୟକ୍ତି ଅଂଶଗ୍ରହଣ କରିଥିଲେ।
ଏହି କାର୍ଯ୍ୟକ୍ରମରେ ବରକୁଳ ଗ୍ରାମ ପଂଚାୟତର ସରପଂଚ ପ୍ରହ୍ଲାଦ କୁମାର ବେହେରା, ଓଡ଼ି ଆର୍ଟ ସେଂଟର, ବରକୁଳର ସେକ୍ରେଟାରୀ ମାନସ ରଞ୍ଜନ ପଟ୍ଟନାୟକ, ସେଂଟ ଜାଭିଅର ହାଇ ସ୍କୁଲ୍, ବାଣପୁରର ଅଧ୍ୟକ୍ଷ ଶ୍ରୀଶକ୍ତି ପ୍ରସାଦ ମହାନ୍ତି ଉପସ୍ଥିତ ଥିଲେ।
କାର୍ଯ୍ୟକ୍ରମକୁ ଭାରତ ପର୍ଯ୍ୟଟନ ଭୁବନେଶ୍ୱରର ସହକାରୀ ନିର୍ଦ୍ଦେଶିକା ରଶ୍ମି ସୋନିଆ ତିର୍କୀ ସଂଯୋଜନା କରିଥିଲେ।