ଭୁବନେଶ୍ବର: ସାଧାରଣ ନିର୍ବାଚନ-୨୦୨୪ ପୂର୍ବରୁ ଶାସକ ବିଜେଡି ନିଜର ଜିଲ୍ଲା ସ୍ତରୀୟ ଦଳୀୟ ସାଙ୍ଗଠନିକ ସ୍ଥିତିକୁ ସୁଦୃଢ଼ କରିବାରେ ଲାଗିଛି। ବିଜେଡି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅନମୋଦନ କ୍ରମେ ଦଳର ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ଦସ୍ତଖତରେ ସୁନ୍ଦରଗଡ଼ ଜିଲ୍ଲାର ନୂତନ କର୍ମକର୍ତ୍ତା ନିଯୁକ୍ତି ନେଇ ବିଜ୍ଞପ୍ତି ପ୍ରକାଶ ପାଇଛି।
ବିଜ୍ଞପ୍ତି ଅନୁସାରେ ସୁନ୍ଦରଗଡ଼ ଜିଲ୍ଲାର ତିନୋଟି ନିର୍ବାଚନ ମଣ୍ଡଳୀ ଓ 10ଟି ବ୍ଲକ ଓ 2ଟି ମୁନିସିପାଲିଟିରେ ନୂତନ କର୍ମକର୍ତ୍ତାଙ୍କୁ ନିଯୁକ୍ତି ଦେଇଛନ୍ତି ।
ସେହିପରି ଆଠ ଜଣ ସାଧାରଣ ସମ୍ପାଦକ ଭାବେ ନିଯୁକ୍ତି ପାଇଥିବାବେଳେ 35ଜଣ ସମ୍ପାଦକ,19ଜଣ ଉପାଦାଷ୍ଟା ମଣ୍ଡଳୀ ସଭ୍ୟ ଏବଂ ଜଣେ କୋଷାଧ୍ୟକ୍ଷ ଭାବେ ନିଯୁକ୍ତି ପାଇଛନ୍ତି। ତେବେ ଲିଗାଲ, କୃଷକ, ଅନୁସୂଚିତ ଜାତି ଓ ଉପଜାତି ସେଲର 8ଜଣଙ୍କୁ ସଭାପତି ଭାବେ ନିଯୁକ୍ତି. ମିଳିଛି।
ସେହିପରି ସୁନ୍ଦରଗଡ ପାଇଁ 19 ଜଣଙ୍କୁ ଉପଦେଷ୍ଠା କମିଟ ସଦସ୍ୟ ଭାବେ ଗ୍ରହଣ କରାଯାଇଛି। ଏଥିସହିତ ଆଠ ଜଣଙ୍କୁ ଦଳର ବିଭିନ୍ନ ସଂଗଠନର ନୂଆ କର୍ମକର୍ତ୍ତାଙ୍କୁ ନିଯୁକ୍ତି ପ୍ରଦାନ କରାଯାଇଛି।
ସେହିପରି ସୁଦନ୍ଦରଗଡର ବିଭିନ୍ନ ସହର ତଥା ବ୍ଲକର ସଭାପତି ଭାବେ ନୂଆ ନିଯୁକ୍ତି କରାଯାଇଛି।
ଏହି ନୂଆ ନିଷ୍ପତିକୁ ଶିଘ୍ର କାର୍ଯ୍ୟକାରୀ କରିବା ପାଇଁ ମଧ୍ୟ ସାଂଗଠନିକ ସଂପାଦକ ପ୍ରଣବ ପ୍ରକାଶ ଦାସ ଉଲ୍ଲେଖ କରିଛନ୍ତି। ସୁନ୍ଦରଗଡ ଜିଲ୍ଲା ବିଜେଡି ପାଇଁ ଏକ ଗୁରୁତ୍ବପୂର୍ଣ୍ଣ ଜିଲ୍ଲା। ସେଥିପାଇଁ ଏହି ଜିଲ୍ଲାର ସଂଗଠନକୁ ମଜବୁତ କରିବା ପାଇଁ ଦଳ ଭାବି ଚିନ୍ତି ନୂଆ କର୍ମକର୍ତ୍ତାକୁ ନିଯୁକ୍ତି ଦେଇଛି।