ମୁମ୍ବାଇ: ଆଜି ମୁମ୍ବାଇ ବିମାନ ବନ୍ଦରରେ ଅବତରଣ କରିବା ସମୟରେ ଏକ ଘରୋଇ ଚାର୍ଟାର୍ଡ ବିମାନ ରନୱେରୁ ଖସିପଡିଛି। ବିମାନରେ 6 ଜଣ ଯାତ୍ରୀ ଏବଂ ଦୁଇଜଣ କ୍ରୁ ସଦସ୍ୟ ଥିଲେ। ନ୍ୟୁଜ୍ ଏଜେନ୍ସି ପିଟିଆଇ ଅନୁଯାୟୀ ଏହି ଦୁର୍ଘଟଣାରେ ତିନି ଜଣ ଆହତ ହୋଇ ଡାକ୍ତରଖାନାରେ ଭର୍ତ୍ତି ହୋଇଛନ୍ତି।
ଡିଜିସିଏ କହିଛି ଯେ ବିଶାଖାପାଟନାମ୍ ରୁ ମୁମ୍ବାଇ ଅଭିମୁଖେ ଯାତ୍ରା କରୁଥିବା VSR ଭେଞ୍ଚର୍ସ ଲିଅର୍ଜେଟ୍ 45 ବିମାନ VT-DBL ମୁମ୍ବାଇ ବିମାନବନ୍ଦରରେ ରନୱେ 27 ରେ ଅବତରଣ କରିବା ସମୟରେ ଖସିଯାଇଥିଲା। ବିମାନରେ 6 ଜଣ ଯାତ୍ରୀ ଏବଂ 2 ଜଣ କ୍ରୁ ସଦସ୍ୟ ଥିଲେ। ପ୍ରବଳ ବର୍ଷା ହେତୁ ଭିଜିବିଲିଟି ମାତ୍ର 700 ମିଟର ଥିଲା। ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଚାଲିଛି।