୨୦୦୭ର ସୁପରହିଟ୍ ଥ୍ରୀଲର ଫିଲ୍ମ ଭୁଲଭୁଲୈୟାର ସିକ୍ବେଲ ନିର୍ମିତ ହେବାକୁ ଯାଉଛି । ତିନି ଯୁବ ଅଭିନେତା ଭିକି କୌଶଲ, ଆୟୁଷ୍ମାନ ଖୁରାନା ଏବଂ ରାଜକୁମାର ରାଓ ଏହି ଫିଲ୍ମର ମୁଖ୍ୟ ଅଭିନେତା ଦୌଡରେ ଅଛନ୍ତି । ହାଉସ୍ଫୁଲ୍-୪ ର ନିର୍ଦ୍ଦେଶନା ଦେଉଥିବା ଫରହାଦ୍ ସାମ୍ଜୀ ଏହି ଫିଲ୍ମର କାହାଣୀ ଲେଖିବା ସହିତ ଏହାର ନିର୍ଦ୍ଦେଶନା ଦେଉଛନ୍ତି । ଫିଲ୍ମର ଅନ୍ୟ କଳାକାର ମନୋନୟନ ହୋଇନଥିଲେ ମଧ୍ୟ ମୁଖ୍ୟ ଅଭିନେତା ଦୌଡରେ ଏହି ତିନି ଅଭିନେତା ଆଗରେ ରହିଛନ୍ତି । ଏହି ତିନି ଅଭିନେତାଙ୍କ ସ୍କ୍ରିନ୍ ଟେଷ୍ଟ ଏବଂ ଲୁକ୍ ଟେଷ୍ଟ ପରେ ଅନ୍ତିମ ନିଷ୍ପତ୍ତି ନିଆଯିବ ବୋଲି ଜଣାପଡିଛି । ପ୍ରତ୍ୟେକ କଳାକାର ନିଜ ଫିଲ୍ମକୁ ବକ୍ସ ଅଫିସ୍ ସଫଳତା ପ୍ରଦାନ କରିଛନ୍ତି । ନିକଟରେ ଅକ୍ଷୟଙ୍କୁ ଏଲ୍ଓ ଏଲ୍ରୁ ରିପ୍ଲେସ୍ କରିଥିବାରୁ ଏହି ଭୂମିକା ପାଇଁ ଆଗୁଆ ରହିଛନ୍ତି ଭିକି କୌଶଲ୍ ।
