ନୂଆଦିଲ୍ଲୀ: ଉତ୍ତରାଖଣ୍ଡ ଟନେଲରେ ଫସି ରହିଥିବା ଲୋକଙ୍କୁ ଉଦ୍ଧାର କରିବା ପାଇଁ ଉଦ୍ଧାର କାର୍ଯ୍ୟ ଚାଲିଛି। ଏହି ସମ୍ପୂର୍ଣ୍ଣ ଅପରେସନକୁ ଅନୁଧ୍ୟାନ କରିବା ପାଇଁ ଆଜି ପ୍ରଧାନମନ୍ତ୍ରୀଙ୍କ ମୁଖ୍ୟ ଶାସନ ସଚିବ ଡକ୍ଟର ପି.କେ ମିଶ୍ର, ଗୃହ ସଚିବ ଅଜୟ କୁମାର ଭଲ୍ଲା, ଉତ୍ତରାଖଣ୍ଡର ମୁଖ୍ୟ ଶାସନ ସଚିବ ସୁଖବୀର ସିଂ ସାନ୍ଧୁ ଏବଂ ଅନ୍ୟାନ୍ୟ ବରିଷ୍ଠ ଅଧିକାରୀ ଘଟଣାସ୍ଥଳରେ ପହଞ୍ଚିଛନ୍ତି। ଏହି ସୂଚନା ଉତ୍ତରାଖଣ୍ଡ ସରକାରୀ ସଚିବ ନୀରଜ ଖୈରୱାଲ ପ୍ରଦାନ କରିଛନ୍ତି।
ଉତ୍ତରପ୍ରଦେଶ ଟନେଲ ପ୍ରସଙ୍ଗରେ କେନ୍ଦ୍ର ସରକାର ଏକ ସାମ୍ବାଦିକ ସମ୍ମିଳନୀ କରିଥିଲେ। ଜାତୀୟ ବିପର୍ଯ୍ୟୟ ପରିଚାଳନା ପ୍ରାଧିକରଣର ସଦସ୍ୟ ଲେଫ୍ଟ ଜେନେରାଲ (ଅବସରପ୍ରାପ୍ତ) ସୟଦ ଅତା ହସନେନ କହିଛନ୍ତି ଯେ, ସବୁକିଛି ଠିକ ଅଛି। ଖାଦ୍ୟ, ପାନୀୟ ଏବଂ ଔଷଧ ସବୁ ଭିତରକୁ ଯାଉଛି।
ମାନସିକ ସ୍ୱାସ୍ଥ୍ୟର ଯତ୍ନ ନିଆଯାଉଛି:
ସୟଦ ଅତା ହସନେନ କହିଛନ୍ତି ଯେ, ମାନସିକ ସ୍ୱାସ୍ଥ୍ୟର ମଧ୍ୟ ଯତ୍ନ ନିଆଯାଉଛି। ତାଙ୍କ ପରିବାର ସହ କଥା ହେବା ପାଇଁ ତାଙ୍କୁ ପ୍ରସ୍ତୁତ କରାଯାଉଛି। ସୁରକ୍ଷା ପ୍ରତି ବିଶେଷ ଧ୍ୟାନ ଦିଆଯାଉଛି। ଆବଶ୍ୟକତା ଅନୁଯାୟୀ ନୂତନ ମେସିନ୍ ମଧ୍ୟ ଅଣାଯାଉଛି।
‘ବର୍ଷା ହେତୁ କୌଣସି ବିଶେଷ ପ୍ରଭାବ ପଡ଼ିବ ନାହିଁ’:
ସେ କହିଛନ୍ତି ଯେ, ବର୍ଷା ହେବାର ସମ୍ଭାବନା ଅଛି। କିନ୍ତୁ ଏହାର ଅଧିକ ପ୍ରଭାବ ପଡ଼ିବ ନାହିଁ। ମୁଁ ଆପଣଙ୍କୁ ନିଶ୍ଚିତ କରିବାକୁ ଚାହୁଁଛି ଯେ, ଆମର ସମସ୍ତ ଭାଇ ନିରାପଦରେ ବାହାରକୁ ଆସିବେ। ସମସ୍ତଙ୍କ ସ୍ୱାସ୍ଥ୍ୟ ଉପରେ ନିରନ୍ତର ନଜର ରଖାଯାଉଛି। ସେମାନଙ୍କୁ ବାହାର କରିବା ପାଇଁ ଆମେ ଯେକୌଣସି ଏଜେନ୍ସିର ସାହାଯ୍ୟ ନେବାକୁ ପ୍ରସ୍ତୁତ।