ନୂଆଦିଲ୍ଲୀ: କର୍ଣ୍ଣାଟକର ଶାସକ କଂଗ୍ରେସର ଜଣେ ବିଧାୟକ ଅଷ୍ଟାଦଶ ଶତାବ୍ଦୀର ଶାସକ ଟିପୁ ସୁଲତାନଙ୍କ ନାମରେ ମନ୍ଦକଲ୍ଲୀ ବିମାନବନ୍ଦରର ନାମକରଣ କରିବାକୁ ପ୍ରସ୍ତାବ ଦେଇଛନ୍ତି। ଏହି ପ୍ରସ୍ତାବ ଗୁରୁବାର ଦିନ ସର୍ବସମ୍ମତି କ୍ରମେ ପାରିତ ହୋଇଛି। ଏ ସମ୍ପର୍କରେ କଂଗ୍ରେସ ଓ ବିଜେପି ପୁଣି ଥରେ ରାଜ୍ୟରେ ମୁହାଁମୁହିଁ ହୋଇଛନ୍ତି।
ପିଟିଆଇ ଅନୁଯାୟୀ, ହୁବଲୀ ବିମାନବନ୍ଦରକୁ କ୍ରାନ୍ତିବୀର ସଙ୍ଗୋଲୀ ରାୟନ୍ନାଙ୍କ ନାମରେ, ବେଲଗାଭି ବିମାନବନ୍ଦରକୁ କିତୁର ରାଣୀ ଚେନମ୍ମାଙ୍କ ନାମରେ, ଶିବମୋଗା ବିମାନବନ୍ଦରକୁ ଜାତୀୟ କବି ଡ. କେ.ଭି. ଜଗଜ୍ୟୋତି ବସେଭେଶ୍ୱରଙ୍କ ନାମରେ ନାମିତ କରିବା ପାଇଁ ପ୍ରସ୍ତାବରେ କୁହାଯାଇଛି।
ବିମାନବନ୍ଦରର ନାମ ପରିବର୍ତ୍ତନ ଉପରେ ଆଲୋଚନା ବେଳେ ହୁବଲି-ଧାରୱାଡ (ପୂର୍ବ) ବିଧାନସଭା ବିଧାୟକ ପ୍ରସାଦ କହିଛନ୍ତି ଯେ, ମୁଁ ମୈସୁରୁ ବିମାନବନ୍ଦରକୁ ଟିପୁ ସୁଲତାନ ବିମାନବନ୍ଦର ନାମରେ ନାମିତ କରିବାକୁ ପ୍ରସ୍ତାବ ଦେଉଛି। କଂଗ୍ରେସ ନେତାଙ୍କ ଏହି ବିବୃତ୍ତି ପରେ ବିରୋଧୀ ଦଳ ବିଜେପି ବିରୋଧ ଆରମ୍ଭ କରିଛି।
