ମଙ୍ଗଳବାର ସନ୍ଧ୍ୟାରେ ସୁରକ୍ଷା ବଳ ଏବଂ ଆତଙ୍କବାଦୀଙ୍କ ମଧ୍ୟରେ ଏକ ଏନକାଉଣ୍ଟର ସଙ୍ଗଠିତ ହୋଇଥିଲା। ସୋପୋରରେ ଘଟିଥିବା ଏହି ଏନକାଉଣ୍ଟରରେ ଜଣେ ଆତଙ୍କବାଦୀ ପ୍ରାଣ ହରାଇଛନ୍ତି। ଜମ୍ମୁ କଶ୍ମୀରର ବାରମୂଳାରେ ସୁରକ୍ଷା ବଳଙ୍କ ପକ୍ଷରୁ ସର୍ଚ୍ଚ ଅପରେସନ୍ ଚାଲିଥିବା ବେଳେ ସୋପୋରରେ ସୁରକ୍ଷା ବଳଙ୍କ ଉପରକୁ ଗୁଳି ଚାଳନା କରାଯାଇଥିଲା। ପାଲଟା ଗୁଳିଚାଳନାରେ ଜଣେ ଆତଙ୍କବାଦୀ ନିହତ ହୋଇଥିଲେ। ସେହିପରି ଏହି ଏନ୍କାଉଣ୍ଟର ପରେ ପଳାୟନ କରିଥିବା ଆତଙ୍କୀକୁ ଧରିବା ପାଇଁ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି। ମୃତ ଆତଙ୍କବାଦୀଙ୍କ ପରିଚୟ ମିଳିନାହିଁ। ଉଲ୍ଳେଖଯୋଗ୍ୟ ଯେ ଏହି ଘଟଣାକୁ ମିଶାଇ ବିଗତ ୨୪ ଘଣ୍ଟା ମଧ୍ୟରେ ୩ ଆତଙ୍କୀ ସେନା ଦ୍ବାରା ନିପାତ ହୋଇଛନ୍ତି।
